ଭୁବନେଶ୍ୱର : ସମ୍ପ୍ରତି କୋଭିଡ୍ ସଂକ୍ରମଣକୁ ରୋକିବା ଲାଗି ରାଜ୍ୟ ସରକାର ମାସ୍କ ପିନ୍ଧିବା ଓ ସାମାଜିକ ଦୂରତା ରକ୍ଷା କରିବାକୁ ବାଧ୍ୟତାମୂଳକ କରିଛନ୍ତି। ଉଲ୍ଲଘଂନକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ କରାଯାଉଛି। ତେବେ ବିଶେଷ କରି ସାମାଜିକ ଦୂରତାକୁ ପୂର୍ବରୁ ଉଲ୍ଲଘଂନ କରିଥିବା ଅଭିଯୋଗରେ କ୍ୟାପିଟାଲ୍ ଥାନାରେ ଜଟଣୀ ବିଧାୟକ ସୁରେଶ କୁମାର ରାଉତରାୟଙ୍କ ବିରୋଧରେ କ୍ୟାପିଟାଲ୍ ଥାନା ପୁଲିସ ଆଇପିସିର ଧାରା ୧୪୩, ୨୬୯, ୨୭୦,,୧୪୯ ଏବଂ ମହାମାରର ଆଇନ୍ର ଧାରା ୩ରେ ମାମଲା ନଂ-୨୮୩ ରୁଜୁ କରାଯାଇଛି। ଗତ ୨୨ ତାରିଖରେ କଂଗ୍ରେସ ଭବନରେ ବିଧାୟକ ଶ୍ରୀ ରାଉତରାୟ ୨୦୦ରୁ ୩୦୦ କର୍ମୀଙ୍କ ପାଇଁ ଭୋଜିର ଆୟୋଜନ କରିଥିଲେ। ଏସମ୍ପର୍କରେ ସେ ଗଣମାଧ୍ୟମକୁ ମଧ୍ୟ କହିଛନ୍ତି। ତେବେ ଏସମ୍ପର୍କରେ ଅବଗତ ହେବା ପରେ ଲୋୟର ପିିଏମ୍ଜି ଡ୍ୟୁଟିରେ ଥିବା କନଷ୍ଟେବଳ ଅଶୋକ କୁମାର ପାଟ୍ଟଶାଣୀ କ୍ୟାପିଟାଲ୍ ଥାନାରେ ଲିଖିତ ଭାବେ ଅଭିଯୋଗ କରିଥିଲେ। ଏହି ସମୟରେ ଭୋଜି ଆୟୋଜନ ଉପରେ କଟକଣା ରହିଥିବା ସତ୍ତ୍ବେ ବିଧାୟକ ନିୟମକୁ ଉଲ୍ଲଘଂନ କରିଛନ୍ତି ବୋଲି ଶ୍ରୀ ପାଟ୍ଟଶାଣୀ ଅଭିଯୋଗ କରିଛନ୍ତି।
Popular Categories
Previous article
Next article