ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ଘଟଣା ତାଙ୍କର ପ୍ରଶଂସକ ପାଇଁ କେବଳ ନୁହେଁ, ସାରା ବଲିଉଡ଼ ସ୍ତବ୍ଧ । ଏକ ସମ୍ଭାବନାପୂର୍ଣ୍ଣ ଉଦୀୟମାନ ଚିତ୍ର ତାରକାଙ୍କୁ ବଲିଉଡ଼୍ ହରାଇଛି । ଅନ୍ୟପକ୍ଷରେ ଭାରତୀୟ କ୍ରିକେଟ ଜଗତ ମଧ୍ୟ ସୁଶାନ୍ତଙ୍କ ଦୁଃଖରେ ମ୍ରିୟମାଣ। ଭାରତର କିମ୍ବଦନ୍ତୀ କ୍ରିକେଟଖେଳାଳୀ ମହେନ୍ଦ୍ରସିଂହ ଧୋନୀଙ୍କ ଭୂମିକାରେ ଅଭିନୟ କରି ସୁଶାନ୍ତ କ୍ରିକେଟ ଦୁନିଆରେ ମଧ୍ୟ ନିଜର ସ୍ଥାନ ଜାହିର କରି ସାରିଥିଲେ । ମାତ୍ର ତାଙ୍କର ମୃତ୍ୟୁ କ୍ରିକେଟ୍ ଜଗତକୁ ମଧ୍ୟ ଦୁଃଖ ଦେଇଛି । ସୁଶାନ୍ତଙ୍କ ବିୟୋଗରେ ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ଶୋକ ପ୍ରକାଶ କରିଛନ୍ତି।
ସୁଶାନ୍ତଙ୍କ ବିୟୋଗକୁ ମୁଁ ବିଶ୍ୱାସ କରିପାରୁନି କି ସହି ମଧ୍ୟ ହେଉନାହିଁ। ତାଙ୍କ ଆତ୍ମାକୁ ଶାନ୍ତି ମିଳୁ। ଭଗବାନ ତାଙ୍କ ପରିବାର ଓ ବନ୍ଧୁମାନଙ୍କୁ ଏ ପରିସ୍ଥିତିର ମୁକାବିଲା ପାଇଁ ଶକ୍ତି ଦିଅନ୍ତୁ ବୋଲି ବିରାଟ ଟ୍ବିଟ୍ କରିଛନ୍ତି ।
Shocked to hear about Sushant Singh Rajput. This is so difficult to process. May his soul RIP and may god give all the strength to his family and friends ?
— Virat Kohli (@imVkohli) June 14, 2020
ଧୋନିଙ୍କ ବାୟୋପିକରେ ଅଭିନୟ କରିବା ବେଳେ ସୁଶାନ୍ତ ଭାରତୀୟ କ୍ରିକେଟ୍ ଖେଳାଳିଙ୍କ ସଂସ୍ପର୍ଶରେ ଆସିଥିଲେ । ଆଉ ଫିଲ୍ମ ରିଲିଜ୍ ହେବା ପରେ ସେ ତାଙ୍କର ଦମଦାର ଅଭିନୟ ନିମନ୍ତେ ପ୍ରଶଂସିତ ହୋଇଥିଲେ । ସେହିପରି ପିକେ ଚଳଚ୍ଚିତ୍ରରେ ସୁଶାନ୍ତ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମାଙ୍କ ବିପକ୍ଷରେ ଅଭିନୟ କରିଥିଲେ ।
ଅନ୍ୟପକ୍ଷରେ ବିରାଟଙ୍କ ପତ୍ନୀ ଅନୁଷ୍କା ଶର୍ମା ମଧ୍ୟ ଗଭୀର ଦୁଃଖବ୍ୟକ୍ତ କରିଛନ୍ତି । ସୁଶାନ୍ତଙ୍କୁ ଜଣେ ଅତି ବଢ଼ିଆ ଅଭିନେତା ଭାବରେ ବର୍ଣନା କରି ତାଙ୍କ ଆତ୍ମାର ସଦଗତି କାମନା କରିଛନ୍ତି ।
Sushant, you were too young and brilliant to have gone so soon. I’m so sad and upset knowing that we lived in an environment that could not help you through any troubles you may have had. May your soul rest in peace. pic.twitter.com/RzLrdJ4keX
— Anushka Sharma (@AnushkaSharma) June 14, 2020
