ସମାଜ ପୋର୍ଟାଲ ଡେସ୍କ: ସାମୁଦ୍ରିକ ବାତ୍ୟା ଅମ୍ଫନ ଦ୍ୱାରା ଅଧିକ ପ୍ରଭାବିତ ପଶ୍ଚିମବଙ୍ଗରେ ଉଦ୍ଧାର ଓ ପୁନରୁଦ୍ଧାର କାର୍ଯ୍ୟ ତ୍ୱରାନ୍ୱିତ କରିବା ଲାଗି ରାଜ୍ୟ ସରକାର ସହାୟତା ସ୍ୱରୂପ ୩୦୦ ଅଗ୍ନିଶମ କର୍ମଚାରୀ ଏବଂ ୧୦ଟି ଓଡିଶା ବିପର୍ଯ୍ୟୟ ରାପିଡ ଆକ୍ସନ ଫୋର୍ସ ଓଡ୍ରାଫ ଦଳ ସମେତ ୫୦୦ ସଦସ୍ୟଙ୍କ ଏକ ଟିମ୍ ସେଠାକୁ ପଠାଇଛି। ଏକଥା ଟ୍ୱିଟ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲେଖିଛନ୍ତି, “ଏହି ଅଦୃଶ୍ୟ ସଙ୍କଟ ସମୟରେ ଓଡ଼ିଶାବାସୀ ପଶ୍ଚିମବଙ୍ଗ ନିକଟରେ ଛିଡା ହୋଇଛନ୍ତି। ୩୦୦ ଅଗ୍ନିଶମ କର୍ମଚାରୀ ଏବଂ ୧୦ ଓଡ୍ରାଫ ଦଳଙ୍କୁ ରିଲିଫ ଏବଂ ଉଦ୍ଧାର କାର୍ଯ୍ୟରେ ସହାୟତା କରିବାକୁ ପଠାଯାଇଛି।
CM @Naveen_Odisha spoke to West Bengal CM @MamataOfficial over telephone and enquired about the intensity of damage due to #CycloneAmphan. CM assured all possible support to West Bengal in terms of personnel & materials to overcome this critical situation.
— CMO Odisha (@CMO_Odisha) May 22, 2020
ଓଡିଶା ମୁଖ୍ୟମନ୍ତ୍ରୀ ଶୁକ୍ରବାର ଦିନ ପଶ୍ଚିମବଙ୍ଗର ପ୍ରତିପକ୍ଷ ମମତା ବାନାର୍ଜୀଙ୍କ ସହ ଏ ନେଇ କଥା ହୋଇଥିଲେ ଏବଂ ଓ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବାକୁ ଇଛା ବ୍ୟକ୍ତ କରିଥିଲେ। ଏହି ବାତ୍ୟାର ପଶ୍ଚିମବଙ୍ଗରେ ଅତି କମରେ ୮୬ ଜଣ ପ୍ରାଣ ହରାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗ ପାଇଁ ୧୦୦୦ କୋଟି ଟଙ୍କା ପ୍ରାଥମିକ ସହାୟତା ଘୋଷଣା କରିବା ସହ ପ୍ରଧାନମନ୍ତ୍ରୀଙ୍କ ରିଲିଫ ଫଣ୍ଡରୁ ମୃତକଙ୍କ ସମ୍ପର୍କୀୟଙ୍କ ପାଇଁ ୨ ଲକ୍ଷ ଟଙ୍କା ଏବଂ ଆହତଙ୍କ ପାଇଁ ୫୦ ହଜାର ଟଙ୍କା ଅନୁକମ୍ପା ଘୋଷଣା କରିଥିଲେ।
