ଲଣ୍ଡନ : ପଳାତକ ହୀରା ବ୍ୟବସାୟୀ ନିରବ ମୋଦିକୁ ସୋମବାର ବ୍ରିଷ୍ଟନର ଏକ ଅଦାଲତରେ ହାଜର କରାଯିବ । ନିରବ ମୋଦି ୨ଶହ କୋଟି ଡଲାର ସମ୍ବଳିତ ପଞ୍ଜାବ ନ୍ୟାସନାଲ ବ୍ୟାଙ୍କ ଠକେଇ ସହ ସଂପୃକ୍ତ । ନିରବ ମୋଦି ବିରୁଦ୍ଧରେ କଳାଧନ ଆଇନ ଅନୁସାରେ ମାମଲା ରୁଜୁ ହୋଇଛି।
ବର୍ତ୍ତମାନ ସମଗ୍ର ବିଶ୍ୱରେ କୋଭିଡ-୧୯ ପାଇଁ କଟକଣା ଲାଗୁ କରାଯାଇଥିବାରୁ ନିରବ ମୋଦିଙ୍କର ଶୁଣାଣି ଅନ୍ଲାଇନ୍ ଜରିଆରେ
ହେବ । ୪୯ ବର୍ଷ ବୟସ୍କ ହୀରା ବ୍ୟବସାୟୀ ନିରବ ମୋଦିଙ୍କୁ ଲଣ୍ଡନର ୱାଣ୍ଡସ୍ ଓର୍ଥ ଜେଲରେ ରଖାଯାଇଛି । ଗତବର୍ଷ ମାର୍ଚ୍ଚ ମାସରେ ତାଙ୍କୁ
ଗିରଫ କରାଯାଇଥିଲା । ତାଙ୍କୁ ବ୍ୟକ୍ତିଗତ ଭାବେ କୋର୍ଟରେ ହାଜର କରାଯିବାର ଥିଲା କିନ୍ତୁ କୋଭିଡ୍ କଟକଣା ଲାଗୁ ଦୃଷ୍ଟିରୁ ଡିଷ୍ଟ୍ରିକ୍ଟ ଜଜ୍
ସାମୁଏଲ୍ ଗୁଜି ଏଭଳି ବିକଳ୍ପ ବ୍ୟବସ୍ଥା ଗ୍ରହଣ କରିଛନ୍ତି ।
ଭିଡିଓ ଲିଙ୍କ୍ ମାଧ୍ୟମରେ ତାଙ୍କର ବିଚାର କରାଯିବାକୁ ନିଷ୍ପତ୍ତି ନିଆଯାଇଛି । ସୋମବାରଠାରୁ ଆରମ୍ଭ ହେବାକୁ ଥିବା ଏହିଶୁଣାଣି ୫ ଦିନ ଧରି ଚାଲିବ । ତାଙ୍କୁ ଭାରତକୁ ପ୍ରତ୍ୟର୍ପଣ କରି ଆଣିବା ଲାଗି ଭାରତର ଅନୁରୋଧ ଉପରେ ଏହି ଶୁଣାଣି ହେବ । ପୂର୍ବରୁ ସିବିଆଇ ଓ ପ୍ରବର୍ତ୍ତନ ନିର୍ଦେଶାଳୟ
ନିରବ ମୋଦିଙ୍କ ବିରୋଧରେ ମାମଲା ରୁଜୁ କରିଥିଲେ ।
