ନୂଆଦିଲ୍ଲୀ: ବିଦେଶରେ ଅଟକି ରହିଥିବା ଭାରତୀୟମାନଙ୍କୁ ଫେରାଇ ଆଣିବା ପାଇଁ କେନ୍ଦ୍ର ସରକାର ଆରମ୍ଭ କରିଛନ୍ତି ପ୍ରସ୍ତୁତି । ପ୍ରଥମ ପର୍ଯ୍ୟାୟରେ ୬୪ଟି ସ୍ବତନ୍ତ୍ର ବିମାନରେ ବିଦେଶରେ ଅଟକିଥିବା ପ୍ରବାସୀଙ୍କୁ ଫେରାଇ ଅଣାଯିବ ।
Here is the evacuation plan for Indians stranded in 12 countries abroad by 64 flights by @airindiain starting May 7 pic.twitter.com/4FL1xnFGtx
— PIB India #StayHome #StaySafe (@PIB_India) May 5, 2020
ମେ ୭ ତାରିଖରୁ ଏଥିପାଇଁ ବିମାନ ଚଳାଚଳ ଆରମ୍ଭ କରିବ । ପ୍ରବାସୀମାନେ ଫେରି ଆସିବା ପାଇଁ ବିମାନବ୍ୟୟ ନିଜେ ବହନ କରିବେ ।
In the first week starting May 7 Government of #India plans to evacuate approximately 14,800 stranded Indians. #AirIndia to undertake 40 of these flights and Air India Express 24
— PIB India #StayHome #StaySafe (@PIB_India) May 5, 2020
ମଙ୍ଗଳବାର ହରଦୀପ ସିଂ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ବିଦେଶରେ କେତେ ଭାରତୀୟ ଅଟକି ରହିଛନ୍ତି ସେ ସମ୍ପର୍କରେ ବିସ୍ତୃତ ସୂଚନା ମିଳିନାହିଁ । ତଥାପି ଏହି ସଂଖ୍ୟା ଦୁଇ ଲକ୍ଷ ଅତିକ୍ରମ କରିଯାଇପାରେ । ଭାରତକୁ ଫେରି ଆସିବାକୁ ଆଗ୍ରହୀ ପ୍ରବାସୀମାନଙ୍କୁ ଫେରାଇ ଆଣିବା ପାଇଁ ବ୍ୟବସ୍ଥା କରାଯାଉଛି । ଲଣ୍ଡନରୁ ଆସିଲେ ୫୦ ହଜାର ଟଙ୍କା ଭଡା ଦେବାକୁ ପଡିବ । ସେହିପରି ସିକାଗୋ କିମ୍ବା ସାନ୍ ଫ୍ରାନସିସ୍କୋରୁ ଫେରିଲେ ୧ ଲକ୍ଷ ଟଙ୍କା ଭଡା ଲାଗିବ । ପ୍ରଥମ ପର୍ଯ୍ୟାୟରେ ୧୪୮୦୦ ଭାରତୀୟ ନାଗରିକଙ୍କୁ ଫେରାଇ ଆଣିବାକୁ ମେ ୭ରୁ ୧୩ ଯାଏଁ ୬୪ ବିମାନ ନିୟୋଜିତ କରାଯିବ । ଏୟାର ଇଣ୍ଡିଆ ଓ ଏୟାର ଇଣ୍ଡିଆ ଏକ୍ସପ୍ରେସ ଏହାର ସଂଚାଳନ କରିବ । ବିମାନ ଆରବ, ବ୍ରିଟେନ୍, ଆମେରିକା, କତାର, ସିଙ୍ଗାପୁର, ମାଲେସିଆ, ଫିଲିଫାଇନ୍ସ, ବାଂଲାଦେଶ, ବହରୀନ, କୁଏତ ଓ ଓମାନରେ ଫସିଥିବା ଭାରତୀୟଙ୍କୁ ଫେରସ୍ତ ଅଣାଯିବ ।
