ସୁକିନ୍ଦା : ଯାଜପୁର ଜିଲା ସୁକିନ୍ଦା ବିଡିଓ ଡ଼. ବିଶ୍ୱଜିତ ଦାସ, ତହସିଲଦାର ଶ୍ରୀମତୀ ବୁଲୁବୁଲ ବେହେରା, ସୁକିନ୍ଦା ମେଡିକାଲର ସମସ୍ତ କର୍ମଚାରୀଙ୍କ ସମେତ ସୁକିନ୍ଦା ଥାନାର ପୁଲିସ କର୍ମଚାରୀଙ୍କୁ ସୁକିନ୍ଦାର ଜଗନାଥ କଳା ସଂସ୍କୁର୍ତି ବିକାଶ ପରିଷଦ ତରଫରୁ କରୋନା ମହାମାରୀ ବିରୁଦ୍ଧରେ ମୁକାବିଲା କରୁଥିବା ଯୋଦ୍ଧାମାନଙ୍କୁ ସମ୍ବର୍ଦ୍ଧନା ଦିଆଯାଇଛି। ଏହାସହିତ ନିଜ ପରିବାରକୁ ପଛରେ ପକାଇ ଦିନ ରାତି ଏକ କରି ଲୋକମାନଙ୍କୁ ସୁରକ୍ଷା ଦେଉଥିବା ଯୋଦ୍ଧାଙ୍କର ଉତ୍ତମ ସ୍ୱାସ୍ଥ୍ୟ ସହିତ ଦୀର୍ଘାୟୁ ଭଗବାନଙ୍କ ନିକଟରେ ପାର୍ଥନା କରିବା ସହିତ ସୁକିନ୍ଦା କଳା ସଂସ୍କୃତି ବିକାଶ ପରିଷଦର ମୁଖ୍ୟ ଉପଦେଷ୍ଟା ତଥା ପୂର୍ବତନ ଅର୍ଥ ମନ୍ତ୍ରୀ ପ୍ରଫୁଲ ଚନ୍ଦ୍ର ଘଡେଇଙ୍କ ପରାମର୍ଶ କ୍ରମେ ସୁକିନ୍ଦା ତହସିଲଦାରଙ୍କ ମାଧ୍ୟମରେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଆର୍ଥିକ ରାଶି ପ୍ରଦାନ କରାଯାଇଛି। ଅସହାୟ ପରିବାରଙ୍କୁ ଶୁଖିଲା ଖାଦ୍ୟ ସହ ମାସ୍କ ଆଦି ବଣ୍ଟନ କରାଯାଇଛି। ଅନ୍ୟପଟେ ସମ୍ବର୍ଦ୍ଧିତ ହୋଇଥିବା ସୁକିନ୍ଦା ବିଡ଼ିଓ ବିଶ୍ୱଜିତ ଦାସ ଗଣମାଧ୍ୟମ ଜରିଆରେ ସୁକିନ୍ଦା ବାସୀଙ୍କୁ ସଚେତନତା ବାର୍ତ୍ତା ଦେଇଥିବା ସୂଚନା ମିଳିଛି।
Comments are closed.