ଇନ୍ଦୋର: କରୋନା ଭୂତାଣୁ ଯୋଗୁ ଦେଶରେ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି। ଦେଶରେ ମହାରାଷ୍ଟ୍ରରେ ସବୁଠୁ ଅଧିକ ଲୋକଙ୍କ ମୃତ୍ୟୁ ଘଟିଥିବାବେଳେ ଏହା ପଛକୁ ରହିଛି ମଧ୍ୟପ୍ରଦେଶ। ଏହା ମଧ୍ୟରେ ଇନ୍ଦୋରରେ ଜଣେ ଥାନା ଅଧିକାରୀଙ୍କ ମୃତ୍ୟୁ ଘଟିଛି। ଭୂତାଣୁ ଦ୍ବାରା ସଂକ୍ରମିତ ହୋଇଥିବା ଥାନା ଅଧିକାରୀ ଦେବେନ୍ଦ୍ର ଚନ୍ଦ୍ରବଂଶୀ କରୋନା ଯୁଦ୍ଧରେ ହାରି ଯାଇଛନ୍ତି।
କରୋନା ବିରୋଧୀ ଯୁଦ୍ଧରେ ସ୍ବାସ୍ଥ୍ୟକର୍ମୀଙ୍କ ସହିତ ପୁଲିସ କର୍ମଚାରୀ ବି ଆକ୍ରାନ୍ତ ହେଉଥିବା ସାମ୍ନାକୁ ଆସୁଛି। ମଧ୍ୟପ୍ରଦେଶ ଏବଂ ଇନ୍ଦୋର କରୋନା ହଟସ୍ପଟ୍ ପାଲଟିଛି। ଏଠାରେ ଗତ କିଛିଦିନ ମଧ୍ୟରେ ଅନେକ ସ୍ବାସ୍ଥ୍ୟକର୍ମୀ ଏବଂ ପୁଲିସ କର୍ମୀ ସଂକ୍ରମିତ ହୋଇଛନ୍ତି। ସେମାନଙ୍କ ମଧ୍ୟରେ ଦେବେନ୍ଦ୍ର ଚନ୍ଦ୍ରବଂଶୀ ସାମିଲ ଥିଲେ। ଚନ୍ଦ୍ରବଂଶୀଙ୍କ କରୋନା ରିପୋର୍ଟ ପଜିଟିଭ ଆସିବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ୪୫ ବର୍ଷୀୟ ଚନ୍ଦ୍ରବଂଶୀ ଜୁନୀ ଇନ୍ଦୋର ଥାନା ଅଧିକାରୀ ଥିଲେ। ଗତ ୧୦ ଦିନ ଧରି ତାଙ୍କର ଅରୋବିନ୍ଦ ହସ୍ପିଟାଲରେ ଚିକିତ୍ସା ଜାରି ରହିଥିଲା। ଶନିବାର ବିଳମ୍ବିତ ରାତି ପ୍ରାୟ ୩ଟାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି।
Comments are closed.