୨ ମହିଳାଙ୍କ ଉପରେ ଚଢ଼ିଗଲା ବିଏମଡବ୍ଲ୍ୟୁ, ପାର୍ଟିରେ ପହଞ୍ଚିବାକୁ ବିଳମ୍ବ ହେବାରୁ ରଙ୍ଗରୁଟରେ ଦ୍ରୁତଗତିରେ ଯାଉଥିଲେ ଚାଳକ

ସମାଜ ଡିଜିଟାଲ ଡେସ୍କ: ମଧ୍ୟପ୍ରଦେଶର ଇନ୍ଦୋର ସହରରେ ଏକ ବିଏମଡବ୍ଲ୍ୟୁ କାର୍‌ ଏକ ସ୍କୁଟିକୁ ଧକ୍କା ଦେବା ପରେ ସେଥିରେ ଯାଉଥିବା ୨ ମହିଳାଙ୍କ ଉପରେ ଚଢ଼ିଯାଇଛି। ଫଳରେ ଘଟଣାସ୍ଥଳରେ ୨ ମହିଳାଙ୍କ ମୃତ୍ୟୁ ଘଟିଛି। ସାଙ୍ଗ ଜନ୍ମଦିନ ପାର୍ଟିରେ ପହଞ୍ଚିବାକୁ ବିଳମ୍ବ ହେଉଥିବାରୁ କାର ଚାଳକ ରଙ୍ଗରୁଟରେ ଦ୍ରୁତଗତିରେ ଗାଡ଼ି ଚଳାଇ ଯାଉଥିବାବେଳେ ଏହି ଦୁର୍ଘଟଣା ଘଟିଛି।

ଦୁର୍ଘଟଣାରେ ପ୍ରାଣ ହରାଇଥିବା ଦୁଇ ମହିଳା ହେଲେ ଦୀକ୍ଷା ଜାଦନ(୨୫) ଏବଂ ଲକ୍ଷ୍ମୀ ତୋମାର(୨୪)। ଉଭେୟ ଏକ ଘରୋଇ ସଂସ୍ଥାରେ କାର୍ଯ୍ୟ କରୁଥିଲେ। ପୁଲିସ ଏହି ଘଟଣାରେ ଅଭିଯୁକ୍ତ ଗଜେନ୍ଦ୍ର ପ୍ରତାପ ସିଂହଙ୍କୁ ଗିରଫ କରିଛି। ଗଜେନ୍ଦ୍ର ଘର ଗ୍ବାଲିଅର ହୋଇଥିବାବେଳେ ସେ ଇନ୍ଦୋରର ସନ୍‌ସିଟିରେ ରହୁଥିଲା। ଧାରା ୧୦୫ (ଉଦ୍ଦେଶ୍ୟ ନ ଥାଇ ହତ୍ୟା) ଅନୁସାରେ ତା’ ନାଁରେ ଏକ ମାମଲା ରୁଜୁ ହୋଇଛି।