ନୂଆଦିଲ୍ଲୀ: ଅନ୍ତର୍ଜାତୀୟ ମହିଳା ଦିବସ ଅବସରରେ ରବିବାର ରାଷ୍ଟ୍ରପତି ରାମନାଥ କୋବିନ୍ଦ ବିଭିନ୍ନ କ୍ଷେତ୍ରରେ ଉତ୍କର୍ଷତା ପ୍ରତିପାଦନ କରିଥିବା ୧୫ ଜଣ ମହିଳାମାନଙ୍କୁ ନାରୀଶକ୍ତି ପୁରସ୍କାର ପ୍ରଦାନ କରିଛନ୍ତି। ଅର୍ଥମନ୍ତ୍ରୀ ନିର୍ମଳା ସୀତାରମଣ ଓ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ମଧ୍ୟ ଏହି ପୁରସ୍କାର ବିତରଣ ସମାରୋହରେ ଉପସ୍ଥିତ ଥିଲେ।
-ଭାରତୀୟ ବାୟୁସେନା ଯୁଦ୍ଧ ବିମାନର ପ୍ରଥମ ୩ ଜଣ ମହିଳା ପାଇଲଟ୍ ମୋହନା ସିଂହ, ଭାବନା କାନ୍ତ ଓ ଅବନୀ ଚତୁର୍ବେଦୀଙ୍କ ନାରୀ ଶକ୍ତି ପୁରସ୍କାର ପ୍ରଦାନ କରାଯାଇଛି।
-୧୦୩ ବର୍ଷୀୟ କ୍ରୀଡ଼ାବିତ୍ ମନ୍ କୌର୍ଙ୍କୁ ଏହି ପୁରସ୍କାର ପ୍ରଦାନ କରାଯାଇଛି।
-ସେହିପରି କୃଷୀ କ୍ଷେତ୍ରରେ ଉତ୍କର୍ଷତା ପାଇଁ ପଦଲା ଭୂଦେବୀ ଓ ବୀଣା ଦେବୀଙ୍କୁ ନାରୀଶକ୍ତି ପୁରସ୍କାରରେ ସମ୍ମାନିତ କରାଯାଇଛି।
-କାରିଗର ଆରିଫା ଜାନ୍ଙ୍କୁ ମଧ୍ୟ ଏହି ସମ୍ମାନରେ ସମ୍ମାନିତ କରାଯାଇଛି।
-ପରିବେଶବିତ୍ ଛମି ମୁର୍ମୁଙ୍କୁ ନାରୀ ଶକ୍ତି ପୁରସ୍କାର ପ୍ରଦାନ କରାଯାଇଛି।
-ଉଦ୍ୟୋଗୀ ନିଲ୍ଜା ୱାଙ୍ଗ୍ମୋଙ୍କୁ ଏହି ପୁରସ୍କାର ପ୍ରଦାନ କରାଯାଇଛି।
-ଅଟୋମୋବାଇଲ୍ ଉଦ୍ୟୋଗୀ ରଶ୍ମୀ ଊର୍ଦ୍ଧ୍ବାଡ଼୍ଶେଙ୍କୁ ନାରୀଶକ୍ତି ପୁରସ୍କାର ପ୍ରଦାନ କରାଯାଇଛି।
-ମହିଳା ରାଜମିସ୍ତ୍ରୀ କଳାବତୀ ଦେବୀଙ୍କୁ ମହିଳା ଦିବସରେ ଏହି ଖାସ୍ ସମ୍ମାନରେ ସମ୍ମାନିତ କରାଯାଇଛି।
-୨ ପର୍ବତାରୋହୀ ତାଶି ଓ ନୁଙ୍ଗ୍ଶି ମଲିକ୍ଙ୍କୁ ମଧ୍ୟ ଏହି ସମ୍ମାନ ପ୍ରଦାନ କରାଯାଇଛି।
-ଶାସ୍ତ୍ରୀୟ କଣ୍ଠଶିଳ୍ପୀ କୌଶିକି ଚକ୍ରବର୍ତ୍ତୀଙ୍କୁ ନାରୀଶକ୍ତି ପୁରସ୍କାର ପ୍ରଦାନ କରାଯାଇଛି।
-୨୦୧୮ ସାକ୍ଷରତା ପରୀକ୍ଷାରେ ଉନ୍ନତ ପ୍ରଦର୍ଶନ କରିଥିବା ୯୮ ବର୍ଷୀୟା କାର୍ଥ୍ୟାୟିନୀ ଆମ୍ମାଙ୍କୁ ନାରୀଶକ୍ତି ପୁରସ୍କାର ପ୍ରଦାନ କରାଯାଇଛି।
