ନୂଆଦିଲ୍ଲୀ: ଭାରତରେ କରୋନା ଭୂତାଣୁ ଆକ୍ରାନ୍ତଙ୍କ ସଂଖ୍ୟା ଧୀରେ ଧୀରେ ବଢ଼ିବାରେ ଲାଗି। ବୁଧବାର ସୁଦ୍ଧା ଦେଶରେ ୨୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ୧୬ ଇଟାଲୀ ପର୍ଯ୍ୟଟକ ଅଛନ୍ତି। ଇଟାଲୀରୁ ୨୧ ନାଗରିକ ଭାରତ ବୁଲିବାକୁ ଆସିଥିବାବେଳେ ସେମାନଙ୍କ ମଧ୍ୟରୁ ୧୬ ଜଣଙ୍କଠାରେ କରୋନା ପଜିଟିଭ୍ ବାହାରିଛି। ଅନ୍ୟ ୧୨ ଆକ୍ରାନ୍ତଙ୍କ ମଧ୍ୟରେ କେରଳର ୩ ଜଣଙ୍କୁ ଚିକିତ୍ସା କରାଯାଇ ଘରକୁ ପଠାଇ ଦିଆଯାଇଛି। ଅବଶିଷ୍ଟ ୯ ଜଣଙ୍କ ମଧ୍ୟରୁ ଦିଲ୍ଲୀ, ତେଲେଙ୍ଗାନା ଏବଂ ଜୟପୁରରୁ ଜଣେ ଲେଖାଏ ଆକ୍ରାନ୍ତ ଥିବାବେଳେ ଉତ୍ତରପ୍ରଦେଶର ଆଗ୍ରାରେ ଗୋଟିଏ ପରିବାରର ୬ ଜଣ କରୋନାରେ ଆକ୍ରାନ୍ତ ହୋଇଛନ୍ତି। ସମସ୍ତଙ୍କୁ ଦିଲ୍ଲୀରେ ଚିକିତ୍ସା କରାଯାଉଛି।
ସୂଚନାଯୋଗ୍ୟ, ଚୀନର ଉହାନ ସହରରୁ ବ୍ୟାପିଥିବା ଏହି ଭୂତାଣୁ ବର୍ତ୍ତମାନ ସୁଦ୍ଧା ୭୦ ଦେଶରେ ବ୍ୟାପିସାରିଛି। ବିଶ୍ଵର ବିଭିନ୍ନ ସ୍ଥାନରେ ୩୧୦୦ରୁ ଅଧିକ ଲୋକଙ୍କ ମୃତ୍ୟୁ ଘଟିଛି। କେବଳ ଚୀନରେ ୨୯୮୧ ଜଣଙ୍କ ମୃତ୍ୟୁ ହୋଇଥିବାବେଳେ ଇଟାଲୀରେ ୭୯ ଏବଂ ଇରାନରେ ୭୭ ଜଣଙ୍କ ପ୍ରାଣହାନୀ ଘଟିଚି। ଏହା ବ୍ୟତୀତ ବିଶ୍ଵବ୍ୟାପୀ ୯୨ ହଜାରରୁ ଅଧିକ ଲୋକ ଏଥିରେ ଆକ୍ରାନ୍ତ ହୋଇଛନ୍ତି।
Comments are closed.