ଗଞ୍ଜାମ : ସ୍କୁଲକୁ ଅଚାନକ ପରିଦର୍ଶନ କରି ପାଠ ପଢ଼ାଇଲେ ଜିଲ୍ଲାପାଳ । ଗୁରୁବାର ଦିନ ଗଞ୍ଜାମ ବ୍ଲକର ସୁବଳୟା ପଞ୍ଚାୟତର ଶତ୍ରୁସୋଲ ଗ୍ରାମକୁ ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଯାଇଥିଲେ। ସେଠାରେ ସରକାରୀ କାର୍ଯ୍ୟ ଓ ଉନ୍ନତିମୂଳକ କାର୍ଯ୍ୟର ତଦାରଖ କରିଥିଲେ। ସେଠାରୁ ଫେରିବା ବେଳେ ରାସ୍ତାରେ ଶତ୍ରୁଶୋଲ ଗାଁ ସ୍ଥିତ ଓଡିଶା ଆଦର୍ଶ ବିଦ୍ୟାଳୟକୁ ଯାଇଥିଲେ। ଷଷ୍ଠ ଶ୍ରେଣୀରେ କ୍ଳାସ ଚାଲୁଥିବା ଦେଖି ଭିତରକୁ ଯାଇଥିଲେ। ସେଠାରେ ଇଂରାଜୀ କ୍ଲାସ ଚାଲିଥିବା ଦେଖି ପିଲାଙ୍କୁ ସୁନ୍ଦର ହସ୍ତାକ୍ଷର, ସ୍ପେଲିଂ ବିଷୟରେ ପଚାରିଥିଲେ। ତେବେ ସ୍ପେଲିଂ କିଭଳି ଭଲ ହେବ ତାହା ଉପରେ ଗୁରୁତ୍ୱ ଦେବାକୁ ସ୍କୁଲ ଶିକ୍ଷକଙ୍କୁ କହିବା ସହ କିଭଳି ହସ୍ତାକ୍ଷର ସୁନ୍ଦର ହେବ ତାହା ବିଷୟରେ ପିଲାଙ୍କୁ ବ୍ଲାକ ବୋର୍ଡ଼ରେ ଲେଖି ଦେଖାଇଥିଲେ। ଏହା ପରେ ସ୍କୁଲକୁ କିଭଳି ଆସୁଛ, ଆଗାମୀ ବାର୍ଷିକ ପରୀକ୍ଷାରେ ଭଲ ମାର୍କ ପାଇଁ ପଢ଼ାରେ ଅଧିକ ମନୋନିବେଶ କରିବାକୁ କହିଥିଲେ। ଏଥିସହ ସ୍କୁଲ ପରିସର ସଫା ରଖିବା ସହ ଗଛ ଲଗେଇବାକୁ ସ୍କୁଲର ପ୍ରିନସିପାଲଙ୍କୁ କହିଥିଲେ। ଜିଲ୍ଲାପାଳ ଏହି ପରିଦର୍ଶନ ବେଳେ ସ୍ଥାନୀୟ ସମିତି ସଭ୍ୟ ସୁରଥ ପ୍ରଧାନ, ଵିଡିଓ ଜ୍ୟୋତି ଶଙ୍କର ରାୟଙ୍କ ସମେତ ସ୍କୁଲ ପରିଚାଳନା ସଭ୍ୟ ମାନେ ପ୍ରମୁଖ ଉପସ୍ଥିତ ଥିଲେ। ଜ଼ିଲ୍ଲାପାଳ ଏହି ଭଳି କାର୍ଯ୍ୟକ୍ରମକୁ ବୁଦ୍ଧିଜିବୀ ମହଲରେ ପ୍ରଶଂସା କରାଯାଉଛି। ଜିଲ୍ଲାପାଳ ପୃର୍ବରୁ ମଧ୍ୟ୍ୟ ଅନ୍ୟ କିଛି ସ୍କୁଲ ପରିଦର୍ଶନ କରି ଛାତ୍ର ଛାତ୍ରୀଙ୍କୁ ପଢ଼ଉ ଥିବାର ନଜିର ରହିଛି।
Popular Categories
Next article