ଭୁବନେଶ୍ବର: ଭୁବନେଶ୍ବର ବିଜୁ ପଟ୍ଟନାୟକ ଅନ୍ତର୍ଜାତିୟ ବିମାନ ବନ୍ଦର ପରିସରରେ ଛାତ ଭୁଷୁଡ଼ିଥିବା ଜଣାପଡିଛି। ଭୁଷୁଡ଼ିଥିବା ଛାତ ତଳେ କିଛି ଲୋକ ଚାପି ହୋଇ ରହିଥିବା ଜଣାପଡିଛି।
- Advertisement -
ବିଜୁ ପଟ୍ଟନାୟକ ଅନ୍ତର୍ଜାତିୟ ବିମାନ ବନ୍ଦର ପରିସରରେ ଟର୍ମିନାଲ-୧ ଏବଂ ଟର୍ମିନାଲ-୨ ମଧ୍ୟରେ ସଂଯୋଗ ପାଇଁ ନିର୍ମାଣ କରାଯାଉଥିବା କୋଠାର ଛାତ ଭୁଷୁଡିପଡିଥିବା ଜଣାପଡିଛି। ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ସୂଚନାଯୋଗ୍ୟ ବିମାନ ବନ୍ଦରର ଟର୍ମିନାଲ-୧ ଓ ଟର୍ମିନାଲ-୨ରେ ଏହି ନିର୍ମାଣକାର୍ୟ୍ୟ ଗତ ୩ ମାସ ହେବ ଆରମ୍ଭ ହୋଇଛି । ୬୦ କୋଟି ଟଙ୍କା ବ୍ୟୟରେ କାର୍ଯ୍ୟ କରାଯାଉଥିଲା। ଏହି ନିର୍ମାଣ କାର୍ୟ୍ୟ ଚାଲୁଥିବା ବେଳେ ହିଁ ଏଭଳି ଅଘଟଣ ହୋଇଛି।ରାତି ସମୟରେ ହିଁ କାର୍ଯ୍ୟ କରାଯାଉଥିଲା। ପ୍ରାୟ ୧୫ ରୁ ୨୦ ଶ୍ରମିକ କାର୍ଯ୍ୟ କରୁଥିବା ବେଳେ ହଠାତ ଛାତଟି ଭୁଷୁଡ଼ି ପଡିଥିଲା।
