ଅଧିକାଂଶ ଲୋକେ ନିଜ ଘରେ ନିୟମିତ ଭାବେ ମଶାଧୂପ ବତି, ଲୁଗା ସଫା ପାଉଡର, ଟଏଲେଟ୍ କ୍ଲିନର୍, ଏୟାର୍ ଫ୍ରେଶନର୍ ବ୍ୟବହାର କରିଥାନ୍ତି। ଅନୁସନ୍ଧାନରୁ ଜଣାପଡ଼ିଛି ଯେ ଏସବୁ ଉପଯୋଗରେ ଘରର ପରିବେଶ ବିଷାକ୍ତ ହୋଇଥାଏ।
– ବିଶେଷଜ୍ଞଙ୍କ ମତରେ, ଗୋଟିଏ ମଶାଧୂପ କଏଲ୍ରୁ ବାହାରୁଥିବା ଧୂଆଁ ୩୭ଟି ସିଗାରେଟ୍୍ର ଧୂଆଁ ସହ ସମାନ। ଏବେ ଏହି ମଶାଧୂପ କଏଲ୍ ବ୍ୟବହାର କରିବା ପୂର୍ବରୁ ସତର୍କ ରୁହନ୍ତୁ। ଦିଲ୍ଲୀର ଏକ ବିଶେଷଜ୍ଞ ଦଳ ବାରମ୍ବାର ଅନୁଧ୍ୟାନ କରିବା ପରେ ତଥ୍ୟ ପ୍ରକାଶ କରିଛନ୍ତି।
ଛୋଟ ପିଲାଙ୍କ କକ୍ଷରେ ଆଦୌ ଏହି ମଶାଧୂପ କଏଲ୍ ଲଗାନ୍ତୁନାହିଁ। ଏହା କାରଣରୁ ସେମାନଙ୍କ ମାନସିକ ବିକାଶ ସବୁଠୁ ଅଧିକ ପ୍ରଭାବିତ ହେଉଥିବାର ପରୀକ୍ଷାରୁ ପ୍ରମାଣିତ ହୋଇଛି।
– ଲୁଗା ସଫା ପାଉଡରରେ ଫସ୍ଫରସ୍ ଥିବାରୁ ଏହା କାରଣରୁ ଆପଣଙ୍କ ତ୍ବଚା ରୋଗ ହେବାର ଭୟ ରହିଛି।
– ଟଏଲେଟ୍ କ୍ଲିନର୍, ଚଟାଣକୁ ସଫା କରୁଥିବା ଏକପ୍ରକାର କ୍ଲିନର୍ କାରଣରୁ ପରଫ୍ଲୋରିଥାଇଲିନ୍ ତତ୍ତ୍ବ ଥିବାରୁ ତାହା କାରଣରୁ ବୃକକ୍ ରୋଗ ଓ ସ୍ନାୟୁଜନିତ ରୋଗ ହେବାର ଆଶଙ୍କା ଥାଏ।
– ଏୟାର ଫ୍ରେଶନର୍ କାରଣରୁ ତ୍ବଚା ସମନ୍ଧୀୟ ରୋଗ ଓ ମୁଣ୍ଡବିନ୍ଧା ରୋଗ ଅଧିକାଂଶଙ୍କର ହୋଇଥାଏ ବୋଲି ବିଶେଷଜ୍ଞ ପ୍ରକାଶ କରିଛନ୍ତି।
