ରାଉରକେଲା:ରାଉରକେଲା ବିରଜାପଲ୍ଲୀ ଏସ୍ଆଇଟି ଛକ ନିକଟରେ ମାଲଗାଡିର ଇଞ୍ଜିନରୁ ବଗି ଅଲଗା ହୋଇଯାଇଥିବା ସୂଚନା ମିଳିଛି । ଏକ କୋଇଲା ବୋଝେଇ ମାଲଗାଡିର ୧୦ଟି ବଗି ଅଲଗା ହୋଇଯାଇଥିଲା । ଟ୍ରେନଟି ପ୍ରାୟ ଏକ କିଲୋମିଟର ଡ୍ରାଇଭର ଏହା ଜାଣିବା ପରେ ସେ ଗାଡିକୁ ପଛକୁ ଫେରାଇଥିଲେ । ଦୁଇଟି ବଗି ମଧ୍ୟରେ ଥିବା କପଲିଙ୍ଗ ଛିଡି ଯିବାରୁ ଏପରି ଘଟିଥିବା ଜଣା ପଡିଥିଲା ।ପରେ ରେଳ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ବଗି ଗୁଡିକୁ ଯୋଡିଥିଲେ । କିଛି ସମୟ ପାଇଁ ସେହି ଲାଇନରେ ଟ୍ରେନ ଚଳାଚଳ ବନ୍ଦ ରହିଥିଲା । ଟ୍ରେନ୍ଟି ଝାଡ଼ଖଣ୍ଡ ରୁ ରାୟଗଡ଼ ଯାଉଥିବା ଜଣା ପଡ଼ିଛି।
