ଭଦ୍ରକ: ଧୁଷୁରି ଥାନା ସାହାସପୁରରେ ଏକ ଚାଞ୍ଚଲ୍ୟକର ଘଟଣା ଘଟିଛି। ପାରିବାରିକ କଳହକୁ ନେଇ ଅଭିଯୁକ୍ତଜଣକ ସ୍ତ୍ରୀ ଓ ୪ ମାସର କୁନିପୁଅକୁ ହତ୍ୟାକରି ଘରେ ପୋତି ଦେଇଥିବା ଅଭିଯୋଗ ହୋଇଛି। ପୁଲିସ ସମ୍ପୃକ୍ତ ଅଭିଯୁକ୍ତ ଅଭୟ ମାଝିଙ୍କୁ ଗିରଫ କରିଛି।
ପୁଲିସ ସୂଚନା ମୁତାବକ, ଗତ ୨୪ ତାରିଖ ରାତିରେ ଅଭୟ ଓ ତାଙ୍କ ସ୍ତ୍ରୀ ପଦ୍ମାବତୀଙ୍କ ମଧ୍ୟରେ ଟଙ୍କା ପଇସାକୁ ନେଇ ଝଗଡ଼ା ଲାଗିଥିଲା। ବିଳମ୍ବିତ ରାତିରେ ଅଭୟ ସ୍ତ୍ରୀ ପଦ୍ମାବତୀଙ୍କୁ ଦଉଡିରେ ତଣ୍ଟିଚିପି ହତ୍ୟା କରିବା ସହ ପୁଅକୁ କାନ୍ଥରେ ପିଟି ମାରିବା ପରେ ଦୁଇଟିଯାକ ମୃତଦେହକୁ ଘରେ ଗାତ ଖୋଳି ପୋତି ଦେଇଥିଲା। ଅପରପକ୍ଷରେ ଅଭିଯୁକ୍ତ ଅଭୟ କହିବାନୁସାରେ, ସେହି ରାତିରେ ପଦ୍ମବାତୀ ପୁଅକୁ ଖାଇବାକୁ ନ ଦେଇ କାନ୍ଥରେ ପିଟି ଦେଇଥିଲା। ତେଣୁ ରାଗରେ ସେ ସ୍ତ୍ରୀକୁ ତଣ୍ଟିଚିପି ହତ୍ୟା କରିଛି। ତେବେ ଗତକାଲି ପଡୋଶୀ ଏ ବାବଦରେ ଜାଣି ପୁଲିସକୁ ଖବର ଦେଇଥିଲେ। ପୁଲିସ ଅଭିଯୁକ୍ତଙ୍କୁ ଗିରଫ କରିବା ସହ ତଦନ୍ତ ଚଳାଇଛି। ଅପରପକ୍ଷରେ ବାଲେଶ୍ୱରରୁ ସାଇଣ୍ଟିଫିକ୍ ଟିମ୍ ପହଞ୍ଚି ଅନୁସନ୍ଧାନ ଜାରି ରଖିଛନ୍ତି।
ଭଦ୍ରକରେ ଚାଞ୍ଚଲ୍ୟ; ସ୍ତ୍ରୀ ଓ ପୁଅକୁ ହତ୍ୟା କରି ଘରେ ପୋତିଲା ସ୍ୱାମୀ
Popular Categories
Previous article
Next article