ରାଞ୍ଚି : ଝାଡଖଣ୍ଡର ଚତୁର୍ଥ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ଶନିବାର ସନ୍ଧ୍ୟାରେ ପ୍ରଚାର ଶେଷ ହୋଇଛି । ଏହି ପର୍ଯ୍ୟାୟରେ ଆସନ୍ତା ସୋମବାର ଦିନ ଧାନବାଦ୍, ଦେଓଘର, ଗିରିଡିହୀ ଓ ବୋକାରୋ ଭଳି ଚାରୋଟି ଜିଲ୍ଲାର ୧୫ଟି ନିର୍ବାଚନ ମଣ୍ଡଳୀରେ ଭୋଟ ନିଆଯିବ । ବାଗୋଡର, ଜାମୁଆ,ଗିରିଡିହୀ, ଡୁମ୍ରି ଓ ତୁଣ୍ଡି ଭଳି ୫ଟି ନକ୍ସଲ ପ୍ରବଣ ନିର୍ବାଚନ ମଣ୍ଡଳୀରେ ଅପରାହ୍ନ ୩ଟାରେ ମତଦାନ ଶେଷ ହେବ । ଅବଶିଷ୍ଟ ନିର୍ବାଚନ ମଣ୍ଡଳୀରେ ସନ୍ଧ୍ୟା ୫ଟା ପର୍ଯ୍ୟନ୍ତ ମତଦାନ ଚାଲିବ ।
ଭୋଟରମାନଙ୍କୁ ଆକୃଷ୍ଟ କରିବା ଲାଗି ବିଭିନ୍ନ ଦଳର ଦୁଙ୍ଗ ନେତାମାନେ ପ୍ରଚାରର ଶେଷ ଦିନରେ ଆପ୍ରାଣ ଉଦ୍ୟମ କରିଛନ୍ତି ।
ପ୍ରାୟ ସବୁ ରାଜନୈତିକ ଦଳର ବରିଷ୍ଠ ନେତାମାନେ ନିର୍ବାଚନ ସଭା ଓ ରାଲି ମାନ କରିଛନ୍ତି । ବିଜେପି ସଭାପତି ତଥା ସ୍ୱରାଷ୍ଟ୍ରମନ୍ତ୍ରୀ ଅମିତ୍ ଶାହା, ବିଜେପି କାର୍ଯ୍ୟକାରୀ ସଭାପତି ଜେ.ପି. ନଡ୍ଡା ଓ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଶନିବାର ବିଭିନ୍ନ ନିର୍ବାଚନ ସଭାଗୁଡିକରେ ଉଦ୍ବୋଧନ ଦେଇଛନ୍ତି।
