ଭୁବନେଶ୍ୱର: କୁନ୍ଦୁଲି ପୀଡିତାଙ୍କର ସର୍ବ ସମ୍ମୁଖରେ ଜନ ଶୁଣାଣୀ କରିବା ସହ , ତାଙ୍କର ନାମ ଓ ଫଟୋକୁ ବିଭିନ୍ନ ସୋସିଆଲ ମିଡିଆରେ ପ୍ରଚାରିତ କରିଥିବା ଲୋକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଷ୍ଟେଟ ପୋଗ୍ରେସିଭ ଓ୍ୱିମେନ ଫୋରମ୍ ପକ୍ଷରୁ ଦାବି କରାଯାଇଛି । ଏଥିପାଇଁ ପୋକ୍ସୋ ଆଇନ ଅନୁଯାୟୀ ସେମାନଙ୍କ ନାମରେ ମାମଲା ରୁଜୁ ହୋଇଛି । ଏହି ବ୍ୟକ୍ତିମାନଙ୍କ ବିରୋଧରେ କଡାକାର୍ଯ୍ୟାନୁଷ୍ଠାନ ଗ୍ରହଣ କରିବା ସହ କୁନ୍ଦୁଲି ପୀଡିତାଙ୍କର ଜନ ଶୁଣଣୀ କରିଥିବା ବ୍ୟକ୍ତି ବିରୋଧରେ ରୁଜୁ ମାମଲାର ଏସ୍ଆଇଟି ତଦନ୍ତ ପରସର ଭୁକ୍ତ କରିବାକୁ ଦାବି କରାଯାଇଛି ।
ମୁଖ୍ୟ ଶାସନ ସଚିବଙ୍କୁ ଫୋରମ ପକ୍ଷରୁ ଦାବି ପତ୍ର ପ୍ରଦାନ କରାଯାଇଛି । ଷ୍ଟେଟ ପୋଗ୍ରେସିଭ ଓ୍ୱିମେନ ଫୋରମର ଅଧ୍ୟକ୍ଷା ମମତା ସାମନ୍ତରାୟଙ୍କ ସହ ଏହାର ସଦସ୍ୟମାନେ ଭୁବନେଶ୍ୱରରର ଲୋୟର ପିଏମ୍ଜି ନିକଟରେ ଧାରଣାରେ ବସିଛନ୍ତି ।
ଏ ନେଇ ରାଜ୍ୟ ପୋଗ୍ରେସିଭ ଓ୍ୱିମେନ ଫୋରମ୍ ପକ୍ଷରୁ ଖାରବେଳ ଥାନେରେ ଏକ ମାମଲା ରୁଜୁ କରାଯାଇଥିଲା । ପୀଡିତାଙ୍କର ଜନ ଶୁଣାଣୀ କରଥିବା ବ୍ୟକ୍ତି ଓ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ରାଜ୍ୟ ପୋଗ୍ରେସିଭ ଓ୍ୱିମେନ ଫୋରମ୍ ଅଧ୍ୟକ୍ଷା ଅଧ୍ୟକ୍ଷା ମମତା ସାମନ୍ତରାୟ ଦାବି କରିଛନ୍ତି ।
