ଝାରସୁଗୁଡ଼ା : ଝାରସୁଗୁଡ଼ା ଜିଲା ବ୍ରଜରାଜନଗର ହିଲଟପ ପଡିଆରୁ ଶୁକ୍ରବାର ୩ ଜଣ ଡକାୟତ ଧରାପଡିଛନ୍ତି । ସେମାନେ ହେଲେ ଗୁଡୁ ସିଂହ , ସିଆସ ସହିଦ ଓ ପୂର୍ଣ୍ଣ ସାଗର ।
ସୂଚନା ଅନୁଯାୟୀ, ବ୍ରଜରାଜନଗର ହିଲଟପ ପଡିଆରେ ଡ଼କାୟତି ଯୋଜନା କରୁଥିବାବେଳେ ପୁଲିସ ଖବର ପାଇ ଚଢ଼ାଉ କରିଥିଲା । ଏହି ସମୟରେ ପୁଲିସ ଉପରକୁ ଡ଼କାୟତମାନେ ଗୋଟିଏ ରାଉଣ୍ଡ ଗୁଳି ଚଳାଇଥିଲେ । ପୁଲିସ ୩ ଜଣ ଡକାୟତକୁ ଧରିଥିବାବେଳେ ଅନ୍ୟ ୪ ଜଣ ଖସି ପଳାଇଛନ୍ତି । ଘଟଣା ସ୍ଥଳରୁ ପୁଲିସ ବନ୍ଧୁକ, କ୍ୟାଟ୍ରିଜ, ଭୁଜାଲି ଜବତ କରିଛି ।
ଗତ ଜୁଲାଇ ମାସ ୧୭ ତାରିଖ ରାତିରେ ୫ ଜଣିଆ ଡକାୟତି ଦଳ ଏକ ପେଟ୍ରୋଲ ପମ୍ପରେ ଡକାୟତି କରିବା ପାଇଁ ବ୍ରଜରାଜନଗର ଠାକୁରପଡ଼ା ପଡ଼ିଆରେ ଯୋଜନା କରୁଥିବା ବେଳେ ପୁଲିସ ହାବୁଡ଼ରେ ପଡ଼ିଥିଲେ। ଏହି ଘଟଣାରେ ପୁଲିସ ୫ ଜଣ ଡକାୟତଙ୍କୁ କାବୁ କରିଥିବା ବେଳେ ୨ ଜଣ ଫେରାର ହୋଇ ଯାଇଥିଲେ। ଗିରଫ ଅଭିଯୁକ୍ତ ମାନକୁ ପୁଲିସ କୋର୍ଟ ଚାଲାଣ କରିଥିଲା। ସେହି ପରି ଗତ ୧୪ ତାରିଖ ରାତିରେ ପୁଲିସ କୁଖ୍ୟାତ ଅପରାଧୀ ସୋନୁ ଘୋଷର ସହଯୋଗୀ ବିନୋଦ ପ୍ରାସାଦକୁ ଛୁଆଳି ବେର୍ଣାଠାରେ ଏନକାଉଣ୍ଟର କରିଥିଲା। ବିନୋଦକୁ ପୁଲିସ ପିଛା କରୁଥିବା ବେଳେ ସେ ପୁଲିସ ଉପରକୁ ଗୁଳି ଚଳାଇ ଖସି ଯିବାକୁ ଚେଷ୍ଟା କରୁଥିଲା। ହେଲେ ପୁଲିସ ପକ୍ଷରୁ ପାଲଟା ଗୁଳି ଚଲାନାରେ ସେ ଆହତ ହୋଇଥିଲେ। ପୁଲିସ ବିନୋଦ ପାଖରୁ ଏକ ପିସ୍ତଲ ଓ ଗୁଳି ଜବତ କରିଥିଲା।
