ନୂଆଦିଲ୍ଲୀ:ବଢୁଛି ବଜାରରେ ପେଟ୍ରୋଲ ଏବଂ ଡିଜେଲ ଦର । ମଙ୍ଗଳବାର ବୁଧବାର ଦ୍ବିତୀୟ ଦିନ ପାଇଁ ଘରୋଇ ବଜାରରେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ଏଭଳି ବୃଦ୍ଧି ଦେଖିବାକୁ ମିଳିଛି । ସାଉଦି ଆରବର ତୈଳ କମ୍ପାନୀ ସାଉଦୀ ଆରାମ୍କୋ ଉପରେ ହୋଇଥିବା ଡ୍ରୋନ୍ ଆକ୍ରମଣର ପ୍ରଭାବରେ ବିଶ୍ବ ବଜାରରେ ଅଶୋଧିତ ତୈଳ ଦରରେ ବୃଦ୍ଧି ଘଟିଛି । ଫଳରେ ବଜାରରେ ବୁଧବାର ପେଟ୍ରୋଲ ଲିଟର ପିଛା ୨୫ ପଇସା ଏବଂ ଡିଜେଲ ୨୪ ପଇସା ବଢିଛି । ରାଜଧାନୀ ନୂଆଦିଲ୍ଲୀଠାରେ ପେଟ୍ରୋଲ ଲିଟର ପିଛା ୨୫ ପଇସା ବୃଦ୍ଧି ଘଟି ୭୨ ଟଙ୍କା ୪୨ ପଇସାରେ ପହଞ୍ଚିଛି । ମଙ୍ଗଳବାର ଏଥିରେ ଲିଟର ପିଛା ୧୪ ପଇସା ବୃଦ୍ଧି ଘଟି ୭୨ ଟଙ୍କା ୧୭ ପଇସା ରହିଥିଲା । ସେହିଭଳି ଆଜି ଡିଜେଲ ମୂଲ୍ୟରେ ଲିଟର ପିଛା ୨୪ ପଇସା ବୃଦ୍ଧି ଘଟି ୬୫ ଟଙ୍କା ୮୨ ପଇସା ଛୁଇଁଛି । ଜୁଲାଇ ୫ ସାଧାରଣ ବଜେଟ୍ ପରେ ତେଲ ଦରରେ ଏହା ବୃହତ୍ ବୃଦ୍ଧି । ଉତ୍ପାଦ ଶୁଳ୍କରେ ବୃଦ୍ଧି ଯୋଗୁ ବଜେଟ୍ ସମୟରେ ପେଟ୍ରୋଲ ଏବଂ ଡିଜେଲ ଲିଟର ପିଛା ୨ଟଙ୍କା ୫୦ ପଇସା ବୃଦ୍ଧି ହୋଇଥିଲା । ଘରୋଇ ବଜାରରେ ଦର ବୃଦ୍ଧି ଯୋଗୁ ରାଜଧାନୀ ଭୁବନେଶ୍ବରରେ ବୁଧବାର ପେଟ୍ରୋଲ ମୂଲ୍ୟରେ ଲିଟର ପିଛା ୨୬ ପଇସା ବୃଦ୍ଧି ଘଟି ୭୧ ଟଙ୍କା ୫୨ ପଇସା ବୃଦ୍ଧି ହୋଇଛି । ସେହିଭଳି ଡିଜେଲ ମୂଲ୍ୟରେ ଲିଟର ପିଛା ୨୭ ପଇସା ବୃଦ୍ଧି ଘଟି ୭୦ ଟଙ୍କା ୬୮ ପଇସାରେ ପହଞ୍ଚିଛି।
Popular Categories
Previous article
Next article