ଭୁବନେଶ୍ୱର : ଛାଡ଼ପତ୍ର ମାମଲା ଚାଲୁଥିବା ମହିଳାଙ୍କୁ ଏଣିକି ପେନସନ ମିଳିବ । ମଧୁବାବୁ ପେନସନ ଯୋଜନା ଆଧାରରେ ମହିଳାଙ୍କୁ ଏହି ସୁବିଧା ଯୋଗାଇ ଦିଆଯିବ । ବାର୍ଷିକ ୪୦ ହଜାରରୁ କମ୍ ଆୟ ଥିବା ମହିଳାଙ୍କୁ ଏହି ଯୋଜନାର ଅର୍ନ୍ତଭୁକ୍ତ କରାଯିବ । ଏଥିପାଇଁ ମହିଳା ଜଣଙ୍କୁ ଛାଡ଼ପତ୍ର ମାମଲା ସମ୍ପର୍କିତ ସମସ୍ତ କାଗଜପତ୍ରର ପ୍ରମାଣ ଦେବାକୁ ପଡ଼ିବ । ଏହି ସମ୍ପର୍କରେ ରାଜ୍ୟସରକାର ଅଧିକ ତର୍ଜମା କରିବା ପରେ ଖୁବ୍ ଶୀଘ୍ର ନିଷ୍ପତ୍ତି ନେବେ ବୋଲି ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଆଶୋକ ଚନ୍ଦ୍ର ପଣ୍ଡା ଶନିବାର ସୂଚନା ଦେଇଛନ୍ତି ।
