ନୂଆଦିଲ୍ଲୀ: କେନ୍ଦ୍ର ସରକାର ଆସନ୍ତା ୫ ବର୍ଷ ମଧ୍ୟରେ ଦେଶର ପ୍ରତ୍ୟେକ ଘରକୁ ପାନୀୟ ଜଳ ଯୋଗାଇ ଦେବାପାଇଁ ‘ଜଳଜୀବନ ମିଶନ୍’ ମାଧ୍ୟମରେ ୩ ଲକ୍ଷ ୫୦ ହଜାର କୋଟି ଟଙ୍କା ବ୍ୟୟ କରିବେ। ଔରଙ୍ଗାବାଦ୍ଠାରେ ମହାରାଷ୍ଟ୍ର ରାଜ୍ୟ ଗ୍ରାମୀଣ ଜୀବିକା ମିଶନ୍ଦ୍ୱାରା ଆୟୋଜିତ ରାଜ୍ୟସ୍ତରୀୟ ମହିଳା ସକ୍ଷମ ସମ୍ମିଳନୀକୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି, ମହିଳାଙ୍କୁ ଦୂରରୁ ଜଳ ଆଣିବାବେଳେ ଜଞ୍ଜାଳରୁ ମୁକ୍ତ କରିବାପାଇଁ ଜଳଜୀବନ ମିଶନ୍ର ଆରମ୍ଭ କରାଯାଇଛି।
ସେ କହିଛନ୍ତି, ଜଳଜୀବନ ମିଶନ ପ୍ରତ୍ୟେକ ଘରକୁ ଜଳ ଯୋଗାଇବା ଓ ଜଳ ସଂରକ୍ଷଣ କରିବାପାଇଁ ଉଦ୍ଦିଷ୍ଟ ମହିଳା ସଶକ୍ତିକରଣ ପାଇଁ ଉଦ୍ଦିଷ୍ଟ ଅନ୍ୟ ପଦକ୍ଷେପ ସମ୍ପର୍କରେ ପ୍ରଧାନମନ୍ତ୍ରୀ କହିଛନ୍ତି, ମୁଦ୍ରା ଯୋଜନା ଅଧୀନରେ ସ୍ୱୟଂ ସହାୟକ ଗୋଷ୍ଠୀର ଜଣେ ମହିଳା ୧ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ପାଇପାରିବ ଏବଂ ଏହା ତାଙ୍କୁ ନୂଆ ବ୍ୟବସାୟ ଆରମ୍ଭ କରିବାରେ ସହାୟକ ହେବ।
