ନୂଆଦିଲ୍ଲୀ: ପାନମସଲା, ସିଗାରେଟ୍, ତମାଖୁଜାତ ସାମଗ୍ରୀ ଉପରେ ଲାଗିବ ଅଧିକ ଟିକସ । ସ୍ବାସ୍ଥ୍ୟପ୍ରତି ଅହିତକର ସାମଗ୍ରୀ ଉପରେ ଅଧିକ ଟିକସ ଲଗାଇବା ନିମନ୍ତେ ବିଭିନ୍ନ ରାଜ୍ୟ ସରକାର କେନ୍ଦ୍ରକୁ ଦେଇଛନ୍ତି ପ୍ରସ୍ତାବ । ଆସନ୍ତା ୨୭ ତାରିଖରେ ଜିଏସଟି କାଉନସିଲର ୪୧ତମ ବୈଠକରେ ଏ ସଂକ୍ରାନ୍ତରେ ନିଷ୍ପତ୍ତି ନିଆଯିବ । ଏହି ବୈଠକରେ ରାଜ୍ୟଗୁଡ଼ିକୁ ପାଣ୍ଠି ବଢ଼ାଯିବା ସମ୍ପର୍କରେ ବୈଠକରେ ଗୋଟିଏ ପ୍ରସ୍ତାବ ରହିଛି ।
ସିଏନବିସି ସୂତ୍ରରୁ ମିଳିଥିବା ସୂଚନା ଅନୁସାରେ ଜିଏସଟି କାଉନସିଲ ବୈଠକରେ ସ୍ବାସ୍ଥ୍ୟପ୍ରତି ଅହିତକର ଅର୍ଥାତ୍ ସିନ୍ ଗୁଡ଼୍ସ ଉପରେ ସେସ ବୃଦ୍ଧି ନିମନ୍ତେ ଆଲୋଚନା ହେବ । ପଞ୍ଜାବ, ଛତିଶଗଡ଼, ବିହାର, ଗୋଆ, ଦିଲ୍ଲୀପରି କିଛି ରାଜ୍ୟ ଏ ସମ୍ପର୍କରେ ପ୍ରସ୍ତାବ ଦେଇଛନ୍ତି ।
Sources say 41st GST Council meeting scheduled to be held on August 27, 2020
Council to meet on single agenda to discuss measures to meet compensation requirements. 42nd GST Council meeting is likely to be scheduled for September 19, 2020 to discuss other agenda items pic.twitter.com/bhwZSj1mZ6
— CNBC-TV18 (@CNBCTV18Live) August 19, 2020
ବର୍ତମାନ ଜିଏସଟି ଟିକସ ଢ଼ାଞ୍ଚା ଅନୁସାରେ କିଛି ସିନ୍ ଗୁଡ଼୍ସ ଅର୍ଥାତ୍ ସିଗାରେଟ, ପାନମସଲା ସହ କାର ପରି କିଛି ବିଳାସ ସାମଗ୍ରୀ ସାମିଲ ରହିଛି । ପାନମସଲା ଉପରେ ୧୦୦%, ଟିକସ ରହିଛି ଏବଂ ଏହା ୧୩୦% ପର୍ଯ୍ୟନ୍ତ ବୃଦ୍ଧି କରାଯାଇପାରେ। ସେହିପର କିଛି ମୃଦୁ ପାନୀୟ ଉପରେ ୧୨% ଟିକସ ଲାଗୁଛି ଓ ଏହାକୁ ବୃଦ୍ଧି କରାଯିବାର ସମ୍ଭାବନା ରହିଛି। ସିଗାରେଟ ଉପରେ ୨୯୦% ଟିକସ ଲାଗୁଛି ଓ ଏହାକୁ ବୃଦ୍ଧି କରାଯିବା ସମ୍ଭାବନା ରହିଛି ।
