ଭବାନୀପାଟଣା : କଳାହାଣ୍ଡି- କନ୍ଧମାଳ ସୀମାରେ ପୁଲିସ ଏନକାଉଣ୍ଟରରେ ୪ ମାଓବାଦୀଙ୍କ ମୃତ୍ୟୁ ଘଟିଥିବା ଜଣାପଡିଛି। ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ କଳାହାଣ୍ଡି-କନ୍ଧମାଳ ସୀମା ଭଣ୍ଡରଙ୍ଗି ସର୍କି ଜଙ୍ଗଲରେ ପ୍ରବଳ ଗୁଳିଗୋଳା ବିନିମୟ ହୋଇଥିଲା। ତେବେ ଏଥିରେ ୪ଜଣ ମାଓବାଦୀଙ୍କ ମୃତ୍ୟୁ ଘଟିଥିବା କଳାହାଣ୍ଡି ଏସପି ସୂଚନା ଦେଇଛନ୍ତି।
ସୂଚନା ଅନୁଯାୟୀ, କଳାହାଣ୍ଡି – କନ୍ଧମାଳ ସୀମନ୍ତର ସିବ୍ରା – ଖଣ୍ଡରଙ୍ଗୀ ମଧ୍ୟରେ ଥିବା ସିବ୍ରା ଜଙ୍ଗଲରେ ମାଓବାଦୀଙ୍କ ଗତିବିଧି ଓ କ୍ୟାମ୍ପ ଥିବା ବିଶେଷ ସୂତ୍ରରୁ କଳାହାଣ୍ଡି ଏସପି ବାତୁଲା ଗଙ୍ଗାଧର ଖବର ପାଇଁ ଗତ ୮ ତାରଖ ସନ୍ଧ୍ୟାରୁ ଉକ୍ତ ଜଙ୍ଗଲ ଅଞ୍ଚଳରେ ଏସଓଜି ଏବଂ ଡିଭିଏଫ୍ ଜବାନ ମିଳିତ ଭାବେ କୁମ୍ବିଂ ଅପରସେନ କରୁଥିଲେ। ଆଜି କୁମ୍ବିଂ ସମୟରେ ହଠାତ୍ ମାଓବାଦୀ ଏବଂ ଏସ୍ଓଜି, ଡିଏଏଫ୍ ଜବାନ ମୁହାଁମୁହିଁ ହେବା ଫଳରେ ଉଭୟ ପକ୍ଷରୁ ଗୁଳି ବିନିମୟ ହୋଇଥିଲା। ଜବାନଙ୍କ ଗୁଳି ରେ ୪ ଜଣ ଦୁର୍ଦ୍ଦାନ୍ତ ମାଓବାଦୀ ନିହାତ ହୋଇଥିବା ଏସ୍ ପି ବାତୁଲା ଗଙ୍ଗାଧର ପ୍ରକାଶ କରିଛନ୍ତି । ଜବାନ ଅତର୍କିତ ଗୁଳିରେ ମାଓବାଦୀ ମାନେ ସମ୍ମୁଖୀନ କରି ନ ପାରି ଜଙ୍ଗଲ ଭିତରକୁ ଚାଲି ଯାଇଥିଲେ। ଉକ୍ତ ଜଙ୍ଗଲର ଚାରି ପାଖକୁ ସିଲି କରି ମିଳିତ ଜବାନ ସର୍ଚ୍ଚ ଅପରେସନ ଜାରି ରହିଛି। ଜବାନ ମାନେ ଫେରିବା ପରେ ଅଧିକ ତଥ୍ୟ ମିଳିବ ବୋଲି ଏସପି ଗଙ୍ଗାଧର ପ୍ରକାଶ କରିଛନ୍ତି। ମୃତ ମାଓବାଦୀଙ୍କ ପରିଚଯ ମିଳିପାରିନାହିଁ ।
