ରେଙ୍ଗାଲିକ୍ୟାମ୍ପ: ୪ ଏକର ଧାନ ଫସଲରେ ଘାସମରା ଔଷଧ ପକାଇଦେଲେ ଦୁର୍ବୃତ୍ତ। ଯାହାଫଳରେ ଔଷଧ ପ୍ରଭାବରେ ଜଳିଯାଇଛି ଧାନ ଫସଲ। ଏଭଳି ଏକ ଅଭାବନୀୟ ଘଟଣା ଘଟିଛି ଅତାବିରା ଥାନା କୁଲୁଣ୍ଡା ଆନ୍ଦ୍ରପଡ଼ା ଗ୍ରାମରେ। ଧାନ ଫସଲ କରିଥିବା ମହିଳା ଚାଷୀ ଭେଣ୍ଟେ ପଲ୍ଲୀ ରତ୍ନକୁମାରୀ ବରଗଡ଼ ଜିଲ୍ଲାପାଳଙ୍କୁ ଭେଟି ଅଭିଯୋଗ ଜଣାଇବା ଓହିତ ଅତାବିରା ଥାନା ଦ୍ଵାରସ୍ଥ ହୋଇଛନ୍ତି।
ପୁଲିସ ଏହାର ତଦନ୍ତ କରି ଆବଶ୍ୟକ କାର୍ଯ୍ୟାନୁଷ୍ଠାନ ନେବା ସହିତ ପ୍ରଶାସନ ସହାୟତା ଯୋଗାଇଦେବାକୁ ରତ୍ନକୁମାରୀ ଦାବି କରିଛନ୍ତି। ନଚେତ ସେ ଜିଲାପାଳଙ୍କ କାର୍ଯ୍ୟାଳୟ ଆଗରେ ଅନଶନରେ ବସିବାକୁ ଚେତାବନୀ ଦେଇଛନ୍ତି। ପୂର୍ବରୁ ଦୀର୍ଘ ବର୍ଷ ହେଲା ଏହି ଜମିକୁ ନେଇ ମାମଲା ଚାଲିଛି। ଏହି କାରଣରୁ ଉଦ୍ଦେଶ୍ୟମୂଳକ ଭାବେ ତାଙ୍କୁ ହଇରାଣ କରିବାକୁ ତାଙ୍କ ବିରୋଧୀ ଲୋକମାନେ ଫସଲ ନଷ୍ଟ କରିଥିବା ରତ୍ନକୁମାରୀ କହିଛନ୍ତି। ଏ ବିଷୟରେ ରୁଷ୍ଟଡ଼ା ଫାଣ୍ଡି ଅଧିକାରୀ ପ୍ରମୋଦ କୁମାର ସାହୁଙ୍କୁ ପଚରାଯିବାରୁ ସେ କହିଥିଲେ, ଅଭିଯୋଗ ଆସିଲେ ତଦନ୍ତ କରାଯିବ।
Comments are closed.