ଭୁବନେଶ୍ବର: ରାଜ୍ୟରେ ଥିବା ୧୦୪୭ ଡିଗ୍ରୀ ଓ ସ୍ୱୟଂଶାସିତ ମହାବିଦ୍ୟାଳୟ ୨୦୧୯-୨୦ ଶିକ୍ଷାବର୍ଷ ଯୁକ୍ତ ତିନି ଦ୍ବିତୀୟ ପର୍ଯ୍ୟାୟ ନାମଲେଖାକୁ ଆସନ୍ତା ୧୬ ତାରିଖକୁ ଘୁଞ୍ଚାଇ ଦିଆଯାଇଛି। ୧୨ ତାରିଖ ପର୍ଯ୍ୟନ୍ତ ଯୋଗ୍ୟ ବିବେଚିତ ଛାତ୍ରଛାତ୍ରୀ ନାମ ଲେଖାଇବା ଓ ୧୩ ତାରିଖ ସୁଦ୍ଧା ଇ-ସ୍ପେସ୍ରେ ଚୂଡାନ୍ତ ନାମଲେଖା ତଥ୍ୟ ଅପଲୋଡ୍ କରାଯିବାକୁ ପୂର୍ବରୁ ଧାର୍ଯ୍ୟ କରାଯାଇଥିଲା।
ବହୁ ଛାତ୍ରଛାତ୍ରୀ ନାମଲେଖା ପାଇଁ ଯୋଗ୍ୟ ହୋଇଥିଲେ ମଧ୍ୟ ନାମଲେଖାଇ ପାରିନାହାନ୍ତିି। ଏହି ବିଦ୍ୟାର୍ଥୀ ଚଳିତ ମାସ ୧୬ ତାରିଖ ଅପରାହ୍ଣ ୨ଟା ପର୍ଯ୍ୟନ୍ତ ଅନ୍ଲାଇନ୍ରେ ଦେୟପୈଠ କରିବା ସହ ନାମଲେଖାଇ ପାରିବେ। ସେହିଦିନ ଅପରାହ୍ଣ ୫ଟାରେ ଇ-ସ୍ପେସ୍ରେ ଦ୍ବିତୀୟ ପର୍ଯ୍ୟାୟର ଚୂଡାନ୍ତ ନାମଲେଖା ତାଲିକା ଅପଲୋଡ୍ କରାଯିବ। ଏନେଇ ଉଚ୍ଚଶିକ୍ଷା ବିଭାଗ ଭାରପ୍ରାପ୍ତ ଅଧିକାରୀ ଡ.ମିହୀର କୁମାର ଦାସ ଶୁକ୍ରବାର ସମସ୍ତ ମହାବିଦ୍ୟାଳୟର ଅଧ୍ୟକ୍ଷଙ୍କୁ ଚିଠି ଲେଖି ଜଣାଇଛନ୍ତି। କଳା, ବାଣିଜ୍ୟ, ବିଜ୍ଞାନ, ଧନ୍ଦାମୂଳକ ଶିକ୍ଷା ଓ ସଂସ୍କୃତ ପାଠ୍ୟକ୍ରମରେ ରାଜ୍ୟରେ ମୋଟ ୨ଲକ୍ଷ ୪୩ ହଜାର ୨୭୪ ସିଟ୍ ରହିଛି।
ସେଥିମଧ୍ୟରୁ ପ୍ରଥମ ପର୍ଯ୍ୟାୟ ଓ ସ୍ପଟ୍ ନାମଲେଖାରେ ମୋଟ ୧ ଲକ୍ଷ ୬୦ ହଜାର ୨୫୯ ଛାତ୍ରଛାତ୍ରଛାତ୍ରୀ ନାମଲେଖାଇଛନ୍ତି। ବଳକା ଥିବା ସିଟ୍ରେ ଦ୍ବିତୀୟ ପର୍ଯ୍ୟାୟ ପାଇଁ ଛାତ୍ରଛାତ୍ରୀ ନାମ ଲେଖାଇବେ।
୧୬କୁ ଘୁଞ୍ଚିଲା +୩ ନାମଲେଖା
Popular Categories
Previous article
Next article