୩ ଆଇଫୋନ୍ ବନ୍ଦ କଲା ଆପଲ୍‌: କିଣିବା ଆଗରୁ ଜାଣି ରଖନ୍ତୁ, ନଚେତ୍‌ ସହିବେ କ୍ଷତି

ସମାଜ ଡିଜିଟାଲ ଡେସ୍କ: ଆଇଫୋନ୍ ୧୬ ଆସିବା ପରେ ଆପଲ୍ ପକ୍ଷରୁ କେତେକ ପୁରୁଣା ଆଇଫୋନ୍ ମଡେଲ ବନ୍ଦ କରିଦିଆ ଯାଇଛି। ସାଧାରଣତଃ ଆପଲ୍ ପକ୍ଷରୁ ଏପରି ସବୁବେଳେ କରାଯାଇଥାଏ। ନୂଆ ଆଇଫୋନ୍ ଆସିବା ସହିତ ପୁରୁଣା ଆଇଫୋନ୍ ବନ୍ଦ ହୋଇଯାଏ। ଏଥର ମଧ୍ୟ ପୁରୁଣା ଆଇଫୋନ୍ ମଡେଲଗୁଡିକ ବନ୍ଦ କରିଦିଆଯାଇଛି।

iPhone 16 ସିରିଜ୍‌ ଆସିବା ପରେ iPhone 15 Pro, iPhone 15 Pro Max ଏବଂ iPhone 13କୁ ବନ୍ଦ କରିଦିଆ ଯାଇଛି। ଏବେ ଆପଲ୍‌ର ଅଫିସିଆଲ ସାଇଟ୍‌ରେ ଆପଣଙ୍କୁ କେବଳ ଆଇଫୋନ୍ ୧୪, ଆଇଫୋନ୍ ୧୫, ଆଇଫୋନ୍ ୧୬ ଏବଂ ଆଇଫୋନ୍ ୧୬ ପ୍ରୋ ଦେଖିବାକୁ ମିଳିବ। ଏହାକୁ ଆପଣ ଅନଲାଇନ ଅର୍ଡର କରିପାରିବେ। ଏଠାରେ ସୂଚନାଯୋଗ୍ୟ, ଆଇଫୋନ୍ ୧୫ ଆସିବା ପରେ ଆଇଫୋନ୍‌ ୧୪ ପ୍ରୋ, ଆଇଫୋନ୍‌ ୧୪ ପ୍ରୋ ମାକ୍ସକୁ ମଧ୍ୟ ବନ୍ଦ କରିଦିଆ ଯାଇଥିଲା। ଏବେ ନୂଆ ସିରିଜ୍ ଆସିବା ପରେ ପୁଣି ଥରେ ଏଭଳି ନିଷ୍ପତ୍ତି ନିଆଯାଇଛି।

ତେବେ ଏଠାରେ କହିରଖୁଛୁ ଯେ, ଯଦି କେହି ଏହି ସିରିଜ୍ ବ୍ୟବହାର କରୁଛନ୍ତି, ତେବେ ସେମାନେ କୌଣସି ସମସ୍ୟାର ସମ୍ମୁଖୀନ ହେବେ ନାହିଁ। ଏଥିସହ ଏଥିରେ ଓଏସ୍‌ ଅପଡେଟ୍ ଅପ୍ସନ ମଧ୍ୟ ଦିଆଯାଉଛି। ଅର୍ଥାତ୍ ଆପଣ ଏହାକୁ ଅପଡେଟ୍ ମଧ୍ୟ କରିପାରିବେ। ଅପଡେଟ୍ ପରେ ଆପଣଙ୍କୁ ଏଥିରେ ନୂଆ ଫିଚର୍‌ ମିଳିପାରିବ।