ନୂଆଦିଲ୍ଲୀ: ଦିଲ୍ଲୀ ମହିଳା କମିଶନର ୨୨୩ କର୍ମଚାରୀଙ୍କୁ ଚାକିରିରୁ ବାହାର କରିଦିଆଯାଇଛି। ଏ ସଂକ୍ରାନ୍ତରେ ଉପରାଜ୍ୟପାଳ ଭି.କେ. ସକ୍ସେନାଙ୍କ ଆଦେଶ ପରେ ତତ୍କାଳ ଏ ଦିଗରେ ପଦକ୍ଷେପ ନିଆଯାଇଛି।
ଦିଲ୍ଲୀ ମହିଳା କମିଶନ ଅଧ୍ୟକ୍ଷା ସ୍ୱାତି ମାଲିୱାଲ ୨୨୩ କର୍ମଚାରୀଙ୍କୁ ଠିକା ଭତ୍ତିରେ ନିଯୁକ୍ତି ଦେଇଥିଲେ। ତେବେ ଏହି ନିଯୁକ୍ତି ବେନିୟମ ବୋଲି ଅଭିଯୋଗ ହୋଇଥିଲା। ନିଯୁକ୍ତି ନେଇ ସରକାରଙ୍କ ଅନୁମତି ନିଆଯାଇ ନ ଥିଲା। ମହିଳା କମିଶନ ତାଙ୍କ କ୍ଷମତା ପରିସର ବାହାରକୁ ଯାଇ ଏଭଳି ନିଯୁକ୍ତି କରାଇଥିଲେ ବୋଲି ଅଭିଯୋଗରେ ଦର୍ଶାଯାଇଥିଲା। ଏହା ଉପରେ ଉପରାଜ୍ୟପାଳ ସକ୍ସେନା ତ୍ୱରିତ ପଦକ୍ଷେପ ନେଇ ସମସ୍ତ କର୍ମଚାରୀଙ୍କୁ ବରଖାସ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ଏ ନେଇ ଉପରାଜ୍ୟପାଳଙ୍କ କାର୍ଯ୍ୟାଳୟ ପକ୍ଷରୁ ମହିଳା କମିଶନଙ୍କୁ ଅବଗତ କରାଇ ଦିଆଯାଇଛି।
223 employees from the Delhi Women Commission have been removed with immediate effect on the order of Lieutenant Governor VK Saxena. It is alleged that the then chairperson of the Delhi Women Commission, Swati Maliwal, had appointed them without permission, going against the… pic.twitter.com/wMZmaTuX9l
— ANI (@ANI) May 2, 2024
