bjd gruha runa banner

ଓଡିଶାରେ ୨୦୨୩ ପୁରୁଷ ହକି ବିଶ୍ବକପ

BSKY banner  750×100

ଭୁବନେଶ୍ବର: ୨୦୨୩ ପୁରୁଷ ହକି ବିଶ୍ବକପ୍ ଓଡିଶାରେ ଅନୁଷ୍ଠିତ ହେବ । ଏନେଇ ଆଜି କଳିଙ୍ଗ ଷ୍ଟାଡିୟମରେ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଓଡିଶାର ଭୁବନେଶ୍ବର ଏବଂ ରାଉରକେଲାରେ ପୁରୁଷ ହକି ବିଶ୍ବକପର ମ୍ୟାଚ ଖେଳାଯିବ। ଏହା ପୂର୍ବରୁ ଭୁବନେଶ୍ବରର କଳିଙ୍ଗ ଷ୍ଟାଡିୟମରେ ୨୦୧୮ ହକି ବିଶ୍ବକପ ଖେଳାଯାଇଥିଲା। ଭୁବନେଶ୍ବରରେ ୨୦୧୮ ପୁରୁଷ ବିଶ୍ବକପର ସଫଳ ଆୟୋଜନ ପରେ ଦ୍ବିତୀୟ ଥର ଓଡିଶାକୁ ୨୦୨୩ ପୁରୁଷ ବିଶ୍ବକପ୍ ଆୟୋଜନର ସୁଯୋଗ ମିଳିଛି। ୨୦୧୮ରେ କେବଳ ଭୁବନେଶ୍ବରର କଳିଙ୍ଗ ଷ୍ଟାଡିୟମ ପୁରୁଷ ବିଶ୍ବକପ ମ୍ୟାଚ ଖେଳାଯାଇଥିବା ବେଳେ ୨୦୨୩ ପୁରୁଷ ବିଶ୍ବକପ କଳିଙ୍ଗ ଷ୍ଟାଡିୟମ ସହ ଷ୍ଟିଲ୍ ସିଟି ରାଉରକେଲାରେ ମଧ୍ୟ ଖେଳାଯିବ। ୨ଟି ଭେନ୍ୟୁରେ ୨୦୧୩ ବିଶ୍ବକପ୍ ଖେଳାଯିବ।୨୦୨୩ ମସିହା ଜାନୁଆରୀ ୧୩ରୁ ୨୯ ମଧ୍ୟରେ ପୁରୁଷ ବିଶ୍ୱ ଆୟୋଜନ ହେବ । ଆୟୋଜକ ଦେଶ ଭାରତ ବିଶ୍ବକପର କେଉଁ ମ୍ୟାଚ କେଉଁଠି ଖେଳାଯିବ ତାହାର ସ୍ଥାନ ନିର୍ଦ୍ଧାରଣ କରିବ ବୋଲି ହକି ମହାସଂଘ ଘୋଷଣା କରିଛି।

ଏଠାରେସୂଚନାଯୋଗ୍ୟ ଆଜି ଭୁବନେଶ୍ବରର କଳିଙ୍ଗ ଷ୍ଟାଡିୟମରେ ୨୦୧୮ ପୁରୁଷ ହକି ବିଶ୍ବକପର ଏକ ବର୍ଷ ପୁର୍ତ୍ତି ଅବସରରେ ଏକ ରଙ୍ଗାରଙ୍ଗ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ , ହକି ଇଣ୍ଡିଆ ସଭାପତି ନରିନ୍ଦର ବାତ୍ରା ଏବଂ ରାଜ୍ୟ କ୍ରିଡା ମନ୍ତ୍ରୀ ତୁଷାରକାନ୍ତି ବେହେରା ପ୍ରମୂଖ ଯୋଗ ଦେଇଥିଲେ। ଏହି ଅବସରରେ ୨୦୧୮ ହକି ପୁରୁଷ ବିଶ୍ବକପର ସଫଳ ଆୟୋଜନ ପାଇଁ ମୁଖ୍ୟମନ୍ତ୍ରୀ ଏବଂ ଓଡିଶାବାସୀଙ୍କୁ ଅଭିନନ୍ଦନ ଜଣାଇଥିଲେ ହକି ଇଣ୍ଡିଆ ସଭାପତି ନରିନ୍ଦର ବାତ୍ରା।

Comments are closed.