ଇସଲାମାବାଦ: ଅପହରଣ, ଧର୍ମାନ୍ତରୀକରଣ ଓ ବଳପୂର୍ବକ ବିବାହ ହୋଇଥିବା ଦୁଇ ହିନ୍ଦୁ ନାବାଳିକାଙ୍କୁ ତୁରନ୍ତ ଉଦ୍ଧାର କରିବାକୁ ଇସଲାମାବାଦ ଉଚ୍ଚ ନ୍ୟାୟାଳୟ ନିର୍ଦ୍ଦେଶ ଦେଇଛନ୍ତି। ଉଦ୍ଧାର ପରେ ସେମାନଙ୍କୁ ନିରାପଦରେ ରଖିବା ପାଇଁ ମଧ୍ୟ କୋର୍ଟ ପାକ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଇସଲାମ ଧର୍ମ ଗ୍ରହଣ କରିବା ଓ ବିବାହ କରିଥିବାରୁ ପରିବାରବର୍ଗ ସେମାନଙ୍କୁ ହତ୍ୟା କରିପାରନ୍ତି ବୋଲି ସେହି ଦୁଇ ଝିଅ ଅଭିଯୋଗ କରିବା ପରେ କୋର୍ଟ ଏଭଳି ନିର୍ଦ୍ଦେଶ ଦେଇଛନ୍ତି। ପାକ ଗଣମାଧ୍ୟମ ଅନୁଯାୟୀ, ଉଭୟ ନାବାଳିକା ଏକ ଭିଡିଓରେ ସେମାନେ ଇଛାରେ ଇସଲାମ ଧର୍ମ ଗ୍ରହଣ କରିଥିବା କହିଛନ୍ତି। ଉଭୟଙ୍କ ବୟସ ୧୫ ଓ ୧୩ ହୋଇଥିବା ବେଳେ ସେମାନେ କିଭଳି ଧର୍ମ ପରିବର୍ତ୍ତନ ଓ ବିବାହ ଭଳି ନିଷ୍ପତ୍ତି ନେଇପାରିବେ ବୋଲି ବିଦେଶ ମନ୍ତ୍ରୀ ସୁଷମା ସ୍ୱରାଜ ପ୍ରଶ୍ନ କରିଛନ୍ତି। ସେମାନଙ୍କୁ ନ୍ୟାୟ ଦାବି କରି ତାଙ୍କ ପରିବାରବର୍ଗଙ୍କୁ ଫେରେଇଦେବାକୁ ସୁଷମା କହିଛନ୍ତି। ଘଟଣା ସହ ସମ୍ପୃକ୍ତ ୭ଜଣଙ୍କୁ ପାକ ପୁଲିସ ଗିରଫ କରିଛି।
Popular Categories
Previous article
Next article