ନୂଆଦିଲ୍ଲୀ – ଦେଶର ରାଜଧାନୀ ଦିଲ୍ଲୀରେ ସେପ୍ଟେମ୍ବର ୯ରୁ ୧୦ ତାରିଖ ପର୍ଯ୍ୟନ୍ତ ଜି୨୦ ସମ୍ମିଳନୀ ଅନୁଷ୍ଠିତ ହେବ । ଏଥିପାଇଁ ଦିଲ୍ଲୀ ସରକାର ତିନିଦିନ ସରକାରୀ ଛୁଟି ଘୋଷଣା କରିଛନ୍ତି । ସେପ୍ଟେମ୍ବର ୮ ତାରିଖରୁ ୧୦ ତାରିଖ ପର୍ଯ୍ୟନ୍ତ ଏହି ଛୁଟି ଘୋଷଣା କରାଯାଇଛି । କେତକ ଅତ୍ୟାବଶକୀୟ ସେବାକୁ ଛାଡି ଦେଲେ ଅନ୍ୟ ସମସ୍ତ ପ୍ରତିଷ୍ଠାନ ବନ୍ଦ ରହିବ । ଏପରି କି ବ୍ୟାଙ୍କ ଏବଂ ଦୋକନ ବନ୍ଦ ରହିବ ବୋଲି ନିର୍ଦେଶନାମା ଜାରି କରାଯାଇଛି ।
ଜି୨୦ ସମ୍ମିଳନୀ ପାଇଁ ଏପିରି ପଦକ୍ଷେପ ଗ୍ରହଣ କରାଯାଇଥିବା ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ କହିଛନ୍ତି । ଜି୨୦ ସମ୍ମିଳନୀରେ ବିଶ୍ୱର ବୃହତ ଅର୍ଥନୀତି ଥିବା ଦେଶମାନଙ୍କର ମୁଖ୍ୟ ସାମିଲ ହେବ । ସେପ୍ଟେମ୍ବର ୮,୯,୧୦ ସମସ୍ତ ବିଦ୍ୟାଳୟ, ବ୍ୟାଙ୍କ ଏବଂ ଦୋକାନ ବନ୍ଦ ରହିବ ।
ଦିଲ୍ଲୀର ପ୍ରଗତି ମୈଦାନରେ ଥିବା ଭାରତ ମଣ୍ଡପମ୍ରେ ଏହି ସମ୍ମିଳନୀ ଅନୁଷ୍ଠିତ ହେବ । ଟ୍ରାଫିକ୍ ଚଳାଚଳକୁ ସ୍ୱଭାବିକ କରିବା ପାଇଁ ଏହି ପଦକ୍ଷେପ ଗ୍ରହଣ କରାଯାଇଛି ।
ଏହି ସମ୍ମିଳନୀରେ ଆମେରିକାର ରାଷ୍ଟ୍ରପତି ଜୋ ବାଇଡେନ୍, ଚୀନ୍ ରାଷ୍ଟ୍ରପତି ଜି ଜିନପିଙ୍ଗ୍, କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡେୟୁ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରୋନ ସାମିଲ ହେବାର କାର୍ଯ୍ୟକ୍ରମ ରହିଛି ।
