ଭୁବନେଶ୍ବର : ରାଜଧାନୀ ଭୁବନେଶ୍ବରରୁ ଆଉ ୧୯ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଜି ଚିହ୍ନଟ ୧୯ କରୋନା ଆକ୍ରାନ୍ତଙ୍କ ମଧ୍ୟରୁ ୯ ଜଣ କ୍ବାରେଣ୍ଟାଇନରୁ ଏବଂ ୧୦ ଜଣ ସ୍ଥାନୀୟ ଅଞ୍ଚଳରୁ ହୋଇଥିବା ବିଏମସି ପକ୍ଷରୁ ଟ୍ବିଟ୍ ଯୋଗେ ସୂଚନା ଦିଆଯାଇଛି। ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଥିବା ୧୦ ଜଣ ଆକ୍ରାନ୍ତଙ୍କ ମଧ୍ୟରେ କଳ୍ପନା ଛକ ନିକଟରେ ଥିବା ଏକ ସରକାରୀ ଅଫିସର ୨ଜଣ କରୋନା ଯୋଦ୍ଧା ସଂକ୍ରମିତ ହୋଇଛନ୍ତି ।ଉଦ୍ଭୟ ପୁରୁଷ ହୋଇଥିବା ବେଳେ ଉଦ୍ଭୟଙ୍କ ବୟସ ଯଥାକ୍ରମେ ୫୯ ଓ ୫୨ ଅଟେ ।
Update on newly detected & cured #COVID19 cases in the last 24 hrs under the BMC area on 5th July 2020(till 9am).
Further contact tracing is still continuing.
Primary contacts & nearby houses are being quarantined, sanitised & will be under active surveillance. pic.twitter.com/PbxYLIaJlr— BMC (@bmcbbsr) July 5, 2020
ଆଜି ଚିହ୍ନଟ ହୋଇଥିବା ସ୍ଥାନୀୟ ମାମଲା ମଧ୍ୟରୁ ବରଗଡ଼ ନେତାଜୀ କ୍ଲବ ପାଖର ଜଣେ ୨୭ ବର୍ଷୀୟ ଯୁବକ ସଂକ୍ରମିତ ହୋଇଛନ୍ତି । ଭରତପୁର ତେଲୁଗୁସାହିର ଜଣେ ୬୦ ବର୍ଷୀୟ ମହିା ମଧ୍ୟ ସଂକ୍ରମିତ ହୋଇଛନ୍ତି । ଘାଟିକିଆର ଜଣେ ୨୧ ବର୍ଷୀୟ ଯୁବକ , ୟୁନିଟ -୪ ଏସସିପିସିଆର ଅଫସ୍ ପାଖର ଜଣେ ୨୪ ବର୍ଷୀୟ ଯୁବକ , ଘାଟିକିଆ ସିଇଟି କଲେଜ ପାକର ଜଣେ ବ୍ୟାଙ୍କ କର୍ମଚାରୀ, ଝାରପଡ଼ା ମହାବୀର ନଗରର ଜଣେ ୩୦ ବର୍ଷୀୟ ବ୍ୟାଙ୍କ କର୍ମଚାରୀ , ସୁନ୍ଦରପଦା ଅଞ୍ଚଳର ଜଣେ ୩୨ ବର୍ଷୀୟ ଯୁବକ , ପଳାସପଲ୍ଲୀ ଅଞ୍ଚଳର ଜଣେ ୩୧ ବର୍ଷୀୟ ପୁରୁଷ ହଟସ୍ପଟ ଜିଲାରୁ ଫେରିଥିବା ଜଣାପଡିଛି।
ସୂଚନାଯୋଗ୍ୟ ବର୍ତ୍ତମାନ ସୁଦ୍ଧା ଭୁବନେଶ୍ୱରରୁ ୪୩୩ ଜଣ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୨୭୦ ଜଣ ସୁସ୍ଥ ହୋଇଛନ୍ତି । ୬ ଜଣ ସଂକ୍ରମିତଙ୍କର ମୃତ୍ୟୁ ହୋଇସାରିଥିବା ବେଳେ ୧୫୬ ଜଣ ବିଭିନ୍ନ କୋଭିଡ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି ।
