କଣ୍ଟାବାଞ୍ଜି, : କଣ୍ଟାବାଞ୍ଜିକୁ ରାଜସ୍ୱ ଜିଲ୍ଲା ମାନ୍ୟତା ଦାବି ନେଇ ୧୨ ଘଣ୍ଟିଆ ବନ୍ଦ ପାଳନ କରାଯାଇଛି। ଏହା ପୂର୍ବରୁ ଗତ ୫ ତାରିଖ ରେ କଣ୍ଟାବାଞ୍ଜି ବନ୍ଦ ଡାକରାରେ ଜନସାଧାରଣ ଙ୍କ ତରଫରୁ ପୁର୍ଣ ସମର୍ଥନ ମିଳିଥିବା ଦେଖା ଯାଇଥିଲା । ଜିଲ୍ଲା ସଙ୍ଘର୍ଷ ସମିତିର ଆହ୍ୱନ କ୍ରମେ ଏହି ବନ୍ଦ ଡାକରା ଦିଆଯାଇଥିଲା ।ସ୍ଥାନୀୟ ଇନ୍ଦିରାଛକ ଠାରେ ଜିଲ୍ଲା ସଂଘର୍ଷ ସମିତି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଦାବି ପୂରଣ ନହେଲେ ଭୋଟ୍ ବର୍ଜନ ସହ ବିଧାନସଭା ଘେରାଓ କରିବେ ବୋଲି ସଂଘର୍ଷ ସମିତି ପକ୍ଷରୁ ଚେତାବନୀ ଦିଆଯାଇଛି ।
ଏହି ବନ୍ଦରେ ସମସ୍ତ ବ୍ୟାବସାୟିକ ପ୍ରତିଷ୍ଠାନ, ଦୋକାନ ବଜାର, ସ୍କୁଲ କଲେଜ, ସରକାରୀ ବେସରକାରୀ କାର୍ଯ୍ୟାଳୟ ବନ୍ଦ ରହିଛି। ଯାନବାହନ ଚଳାଚଳ ମଧ୍ୟ ବନ୍ଦ ରହିଥିଲା । ସ୍ଥାନୀୟ ଇନ୍ଦିରା ଛକ, ବଙ୍ଗୋମୁଣ୍ଡାରାସ୍ତା ମାଛ ବଜାର ନିକଟରେ ଜିଲ୍ଲା ସଙ୍ଘର୍ଷ ସମିତିର କର୍ମକର୍ତ୍ତାମାନେ ୪୨ ନମ୍ବର ରାଜପଥ ଅବରୋଧ କରିଥିଲେ।
