ଗଞ୍ଜାମ: ଗଞ୍ଜାମ ଜିଲା କୁକୁଡ଼ାଖଣ୍ଡି ସ୍ଥିତ ଯୁବଜ୍ୟୋତି ଯୁବ ସଂସଦ ଠାରେ କୁକୁଡ଼ାଖଣ୍ଡି ସେବା ସମବାୟ ସମିତି ଆନୁକୂଲ୍ୟରେ ‘ସମବାୟ ଆପଣଙ୍କ ଦ୍ୱାରରେ’ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି । କେନ୍ଦ୍ରର ସଭାପତି କୈଳାସ ରଣାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଜିଲ୍ଲା ପରିଷଦ ସଦସ୍ୟ ବୃନ୍ଦାବନ ଖଟେଇ, ବିଧାୟକ ପ୍ରତିନିଧି ସନ୍ତୋଷ ଚୌଧୁରୀ, ବିସିସି ବ୍ୟାଙ୍କ ଶାଖା ଅଧିକାରୀ ସ୍ନିଗ୍ଧା ପଣ୍ଡା, ଏସଆରସି ଏସ.ଏନ ପାତ୍ର, ମ୍ୟାନେଜର ଶଶି ପଟ୍ଟନାୟକ, ଶିବ ପ୍ରସାଦ ଦୋରା, କେ.ମଣିବାବୁ ପ୍ରମୁଖ ଅତିଥି ଭାବେ ଯୋଗଦେଇ ସରକାରଙ୍କ ପକ୍ଷରୁ ଚାଷୀ ମାନଙ୍କ ସୁବିଧା ପାଇଁ ପ୍ରଣୀତ ବିଭିନ୍ନ ଯୋଜନା ବିଷୟରେ ଅବଗତ କରାଇଥିଲେ । ଏଥିସହ ଚାଷୀ ମାନଙ୍କର କିଭଳି ବିକାଶ ହୋଇପାରିବ ସେ ସମ୍ପର୍କରେ ମଧ୍ୟ ଆଲୋଚନା କରିଥିଲେ । ଚାଷୀଙ୍କୁ ୨ କୋଟି ଟଙ୍କାର ଋଣ ପ୍ରଦାନ ପାଇଁ ସମବାୟ ସମିତି ପ୍ରତିଶ୍ରୁତିବଦ୍ଧ ବୋଲି ଏହି ଅବସରରେ ସମିତି ପକ୍ଷରୁ କୁହାଯାଇଛି । ସମ୍ପାଦକ ସମୀର ପଣ୍ଡା କାର୍ୟ୍ୟକ୍ରମ ପରିଚାଳନା କରିଥିବା ବେଳେ ବୈଠକରେ ନିତ୍ୟାନନ୍ଦ ଦଳାଇ, ଭବାନୀ ଶଙ୍କର ବିଶ୍ୱାଳ, ଗୋବିନ୍ଦ ଦାସ,ସତ୍ୟ ନାରାୟଣ ସାହୁ ଓ ଏ.ଚେନେୟାଙ୍କ ସମେତ ବହୁ ଚାଷୀ ଉପସ୍ଥିତ ଥିଲେ।
Popular Categories
Previous article
Next article