କଲମ୍ବୋ: ମୁସଲିମ ଓ ବୌଦ୍ଧ ସମ୍ପ୍ରଦାୟ ମଧ୍ୟରେ ଦଙ୍ଗା ନେଇ ଶ୍ରୀଲଙ୍କା ସରକାର ମଙ୍ଗଳବାର ଦେଶରେ ଜରୁରିକାଳୀନ ପରିସ୍ଥିତି ଘୋଷଣା କରିଛନ୍ତି। ଏହି ସ୍ଥିତି ଆସନ୍ତା ୧୦ ଦିନ ପାଇଁ ବଳବତ୍ତର ରହିବ। ଦଙ୍ଗା ଉଗ୍ରରୂପ ନେଉଥିବାରୁ ଏହା ଯେପରି ଅନ୍ୟ ଅଞ୍ଚଳକୁ ନ ବ୍ୟାପିବ, ସେଥିଲାଗି ଦେଶରେ ଜରୁରିକାଳୀନ ସ୍ଥିତି ଜାରି କରାଯାଇଥିବା ସରକାରଙ୍କ ପକ୍ଷରୁ କୁହାଯାଇଛି।
ଗତ କିଛିବର୍ଷ ହେଲା ଶ୍ରୀଲଙ୍କାରେ ଏହି ଦୁଇ ସମ୍ପ୍ରଦାୟର ଲୋକଙ୍କ ମଧ୍ୟରେ ଉତ୍ତେଜନାମୂଳକ ସ୍ଥିତି ଜାରି ରହିଛି। ବୌଦ୍ଧଧର୍ମୀଙ୍କ ଅଭିଯୋଗ ଅନୁସାରେ, ମୁସଲମାନମାନେ ସେମାନଙ୍କୁ ବଳପୂର୍ବକ ଧର୍ମାନ୍ତିକରଣ କରାଇ ମୁସଲମାନ ଧର୍ମରେ ଦିକ୍ଷୀତ କରାଉଛନ୍ତି। ଏଥିସହ ବୌଦ୍ଧ ଐତିହ୍ୟପୂର୍ଣ୍ଣ ବୌଦ୍ଧ ସ୍ମାରକୀଗୁଡ଼ିକ ମଧ୍ୟ ଭଙ୍ଗାରୁଜା କରୁଥିବା ଅଭିଯୋଗ ହୋଇଛି। ଫଳରେ ଦୁଇ ସମ୍ପ୍ରଦାୟ ମଧ୍ୟରେ ବିବାଦ ଅଧିକରୁ ଅଧିକ ତିକ୍ତ ହେବାରେ ଲାଗିଛି। ଦଙ୍ଗାକୁ ନିୟନ୍ତ୍ରଣ ଲାଗି ଆଜି କ୍ୟାବିନେଟ ବୈଠକ ଡକାଯାଇ ଜରୁରିକାଳୀନ ସ୍ଥିତି ଘୋଷଣା କରିବାକୁ ନିଷ୍ପତ୍ତି ହୋଇଥିଲା। ଅପରପକ୍ଷରେ ଦଙ୍ଗାକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସରକାରଙ୍କ ନିର୍ଦେଶ ଦେଇଛନ୍ତି।
ଶ୍ରୀଲଙ୍କାରେ ଦଙ୍ଗା; ୧୦ଦିନ ଜରୁରିକାଳୀନ ସ୍ଥିତି ଘୋଷଣା
Popular Categories
Previous article
Next article