ନୂଆଦିଲ୍ଲୀ: ଭାରତୀୟ ନୌସେନା ଅଧିକାରୀ ୩୯ ବର୍ଷୀୟ ଅଭିଳାଷ ଟମି ଭାରତ ମହାସାଗରରେ ଫସି ରହିଛନ୍ତି । ଗୋଲ୍ଡେନ୍ ଗ୍ଲୋବ ପ୍ରତିଯୋଗିତାରେ ଭାଗ ନେଉଥିବା ବେଳେ ଖରାପ ପାଗ ଯୋଗୁଁ ଏହି ଅଘଟଣ ଘଟିଛି। ତାଙ୍କ ପିଠିରେ ଗଭୀର କ୍ଷତ ସୃଷ୍ଟି ହୋଇଥିବା ବେଳେ ସେ ଗୁରୁତର ଅବସ୍ଥାରେ ଉଦ୍ଧାରକାରୀଙ୍କୁ ଅପେକ୍ଷା କରିଛନ୍ତି । ଅଭିଳାଷ ମେସଜ ଜରିଆରେ ଏହି ସୂଚନା ଦେଇଛନ୍ତି ।
ଏଏନଆଇ ରିପୋର୍ଟ ଅନୁଯାୟୀ, ଉଦ୍ଧାର କାର୍ଯ୍ୟ ପାଇଁ ଆଇଏନଏସ ସତପୁରାକୁ ପଠାଯାଇଛି ବୋଲି ଭାରତୀୟ ନୌସେନା ପକ୍ଷରୁ ଜଣାପଡିଛି। ଅଷ୍ଟ୍ରେଲିଆର ପର୍ଥ ଠାରୁ ପ୍ରାୟ ୩ ହଜାର କିମି ଦୂରରେ ଅଭିଳାଷ ଫସି ରହିଥିବା ଜଣାପଡିଛି। ଅଷ୍ଟ୍ରେଲିଆର ପ୍ରତିରକ୍ଷା ବାହିନୀ ପକ୍ଷରୁ ମଧ୍ୟ ଉଦ୍ଧାରକାର୍ଯ୍ୟ ଆରମ୍ଭ ହୋଇଛି ।
ଗୋଲ୍ଡେନ୍ ଗ୍ଲୋବ ପ୍ରତିଯୋଗିତା ଉତ୍ସବ ଫ୍ରାନ୍ସରୁ ଜୁଲାଇ ୧ରୁ ଆରମ୍ଭ ହୋଇଥିଲା। ଏଥିରେ ୧୮ ଜଣ ନୌସେନା ଅଧିକାରୀ ଅଂଶଗ୍ରହଣ କରିଥିଲେ । ଅଷ୍ଟେଲିଆ ମେରିଟାଇମ ସୁରକ୍ଷା କର୍ତ୍ତୃପକ୍ଷଙ୍କ ସଂଯୋଜନାରେ ଉଦ୍ଧାର କାର୍ଯ୍ୟ ରହିଛି ।