କଲକାତା: କଲକାତା ବିମାନବନ୍ଦରେ ଅଘଟଣ ଘଟିଛି। କତାର ଏୟାରୱେଜ୍ର ଏକ ବିମାନକୁ ଏକ ପାଣି ବୋଝେଇ ଟ୍ରକ୍ ଧକ୍କା ଦେଇଛି। ଏହି ଦୁର୍ଘଟଣାରେ ବିମାନର କିଛି ଅଂଶ କ୍ଷତିଗ୍ରସ୍ତ ହୋଇଥିଲେ ହେଁ ସୌଭାଗ୍ୟବଶତଃ ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ଦୁର୍ଘଟଣା ପରେ ବିମାନକୁ ତୁରନ୍ତ ମରାମତି ପାଇଁ ନିଆଯାଇଛି। ଯାତ୍ରୀମାନଙ୍କୁ ଅନ୍ୟ ଏକ ବିମାନରେ ପଠାଯାଇଛି।
ବିମାନବନ୍ଦର କର୍ତ୍ତୃପକ୍ଷଙ୍କ ତରଫରୁ ମିଳିଥିବା ସୂଚନା ଅନୁଯାୟୀ, ଗୁରୁବାର ସକାଳ ପ୍ରାୟ ୩.୧୫ ବେଳେ ୧୦୩ ଜଣ ଯାତ୍ରୀଙ୍କୁ ନେଇ କତାର ଏୟାରୱେଜ୍ର କ୍ୟୁଆର ୫୪୧ ବିମାନ କଲକାତାରୁ ଦୋହା ଅଭିମୁଖେ ଯିବା ପାଇଁ ପ୍ରସ୍ତୁତ ହେଉଥିଲା। ଏହି ସମୟରେ ଏକ ପାଣି ବୋଝେଇ ଟ୍ରକ୍ ବିମାନକୁ ଧକ୍କା ଦେଇଥିଲା। ବେସାମରିକ ବିମାନ ଚଳାଚଳ ମହାନିର୍ଦେଶାଳୟ ପକ୍ଷରୁ ଘଟଣାର ତଦନ୍ତ ନିର୍ଦେଶ ଦିଆଯାଇଛି। ଗତ ମାସରେ ଏୟାର ଇଣ୍ଡିଆର ଏକ ବିମାନ ୧୩୬ ଜଣ ଯାତ୍ରୀଙ୍କୁ ନେଇ ତ୍ରିଚିରୁ ଦୁବାଇ ଅଭିମୁଖେ ଉଡ଼ାଣ ଆରମ୍ଭ କରୁଥିବା ବେଳେ ବିମାନବନ୍ଦର କାନ୍ଥରେ ପିଟି ହୋଇ କ୍ଷତିଗ୍ରସ୍ତ ହୋଇଥିଲା। ଦୁର୍ଘଟଣାରେ ବିମାନର ଗୁରୁତର କ୍ଷତିଗ୍ରସ୍ତ ହୋଇଥିଲେ ମଧ୍ୟ ଏ ସମ୍ପର୍କରେ ଅଜ୍ଞ ପାଇଲଟ୍ ବିମାନକୁ ଉଡ଼ାଇଥିଲେ। ପ୍ରାୟ ତିନିଘଣ୍ଟା ଉଡ଼ିବା ପରେ ବିମାନକୁ ଫେରାଇ ଆଣିବା ପାଇଁ ପାଇଲଟଙ୍କୁ ନିର୍ଦେଶ ଦିଆଯାଇଥିଲା।
ବିିମାନକୁ ଧକ୍କା ଦେଲା ପାଣିଟାଙ୍କର
Popular Categories
Previous article
Next article