ନୂଆଦିଲ୍ଲୀ : ମାଲାୟଲମ୍ ଚଳଚ୍ଚିତ୍ର ‘ଓରୁ ଅଦାରୁ ଲଭ୍’ର ବିବାଦୀୟ ସଙ୍ଗୀତ ମାଣିକ୍ୟ ମାଲାରାୟା ପୁଭିକୁ ନିଷିଦ୍ଧ କରିବା ଲାଗି ରାଜା ଏକାଡେମୀ କେନ୍ଦ୍ର ସୂଚନା ପ୍ରସାରଣ ମନ୍ତ୍ରୀ ସ୍ମୃତି ଇରାନିଙ୍କ ନିକଟକୁ ପତ୍ର ଲେଖିଛି। ପ୍ରିୟା ପ୍ରକାଶ ବରିୟରଙ୍କ ଅଭିନୀତ ଏହି ସଙ୍ଗୀତକୁ ନେଇ ମୁସଲମାନ ସମ୍ପ୍ରଦାୟ ଆପତ୍ତି ଉଠାଇବା ପରେ ରାଜା ଏକାଡେମୀ ଏହାକୁ ନିଷିଦ୍ଧ ଲାଗି ଦାବି କରିଛି। ରିପୋର୍ଟ ଅନୁଯାୟୀ ରାଜା ଏକାଡେମୀ ମନ୍ତ୍ରୀଙ୍କ ନିକଟକୁ ଲେଖିଥିବା ଚିଠିରେ ଅଭିଯୋଗ କରିଛି ଯେ ଏହି ସଙ୍ଗୀତ ମୁସଲମାନ ସମ୍ପ୍ରଦାୟଙ୍କ ଧାର୍ମିକ ଭାବାବେଗ ଉପରେ ଆଘାତ ପହଞ୍ଚାଇଛି। ଏକାଡେମୀ କହିଛି ଯେ ଏହି ମାଲାୟଲମ୍ ସଙ୍ଗୀତ ପ୍ରଫେଟ ମହମ୍ମଦ ଓ ତାଙ୍କ ପତ୍ନୀଙ୍କୁ ଅପମାନିତ କରୁଛି। ରେହମାନି ଗ୍ରୁପର ଅଧ୍ୟକ୍ଷ ଅସିଫ ସରର୍ଦାର କହିଛନ୍ତି ସେନସର ବୋର୍ଡ ଚଳଚ୍ଚିତ୍ର ‘ଓରୁ ଅଦାରୁ ଲଭ୍’ରୁ ଏହି ସଙ୍ଗୀତଙ୍କୁ ବାଦ୍ ଦେଉ। ଏ ଦିଗରେ ମନ୍ତ୍ରୀ ଇରାନି ଆବଶ୍ୟକ ହସ୍ତକ୍ଷେପ କରିବା ଦରକାର। ନଚେତ ଦେଶରେ ଆଉ ଏକ ବିବାଦ ଦେଖାଦେବ। ରାଜା ଏକାଡେମୀ ନିଜର ବିରୋଧ ପ୍ରଦର୍ଶନ କରିବା ପାଇଁ ମିନାରା ମସଜିଦ ନିକଟରେ ପ୍ଲାକାର୍ଡ ଦେଖାଇଛନ୍ତି। ସେମାନେ କହିଛନ୍ତି ଯେ ଆଧ୍ୟାତ୍ମିକ ବ୍ୟକ୍ତି ବିଶେଷଙ୍କୁ ଅପମାନିତ କରିବା ବନ୍ଦ କରାଯାଉ।
Popular Categories
Previous article
Next article