ଜୟପୁର: ୨୦୧୯ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଲାଗି ଖେଳାଳି ନିଲାମ ମଙ୍ଗଳବାର ଅନୁଷ୍ଠିତ ହୋଇଯାଇଛି। ୮ଟି ଫ୍ରାଞ୍ଚାଇଜି ସେମାନଙ୍କ ଖାଲି ସ୍ଥାନ ପୂରଣ ପାଇଁ ତାଲିକାଭୁକ୍ତ ୩୫୧ ଜଣ ଖେଳାଳିଙ୍କ ମଧ୍ୟରୁ ସେମାନଙ୍କ ପସନ୍ଦର ଖେଳାଳି ବାଛିଛନ୍ତି। ତେବେ ଏହି ନିଲାମରେ ସମସ୍ତଙ୍କୁ ଚକିତ କରିଥଲା ବରୁଣ ଚକ୍ରବର୍ତ୍ତୀଙ୍କ ନାମ। କ୍ରିକେଟରେ ରୁଚି ରଖିଥିବା ଯେକୌଣସି ବ୍ୟକ୍ତି ବରୁଣ ଚକ୍ରବର୍ତ୍ତୀଙ୍କ ନାମ ପୂର୍ବରୁ ଶୁଣିନଥିଲେ।
ବରୁଣଙ୍କୁ ଆଶ୍ଚର୍ଯ୍ୟଜନକ ଭାବେ ୮ କୋଟି ୪୦ ଲକ୍ଷ ଟଙ୍କାରେ କିଙ୍ଗ୍ସ ଏକାଦଶ ପଞ୍ଜାବ କିଣିଛି। ତେେବ ବରୁଣ ଚକ୍ରବର୍ତ୍ତୀ କିଏ? କ’ଣ ତାଙ୍କ ବିଶେଷତ୍ବ? ଟ୍ବେଣ୍ଟି୨୦ କ୍ରିକେଟ୍ରେ ତାଙ୍କ ଉପଲବ୍ଧି କେତେ? ଏହିପରି ନାନା ପ୍ରଶ୍ନ କ୍ରିକେଟପ୍ରେମୀଙ୍କ ମନରେ ଉଙ୍କି ମାରିଥିଲା। ପ୍ରକୃତରେ ବରୁଣ ହେଉଛନ୍ତି ତାମିଲନାଡ଼ୁର ୨୭ ବର୍ଷ ବୟସ୍କ ସ୍ପିନର। ସେ କେଉଁପ୍ରକାର ସ୍ପିନର; ତାହା କହିବା କଷ୍ଟକର। କାରଣ ସେ ୭ ପ୍ରକାର ବଲ୍ ପକାଇ ପାରନ୍ତି। ତାହା ହେଲା- ଅଫ୍ବ୍ରେକ୍, ଲେଗ୍ବ୍ରେକ୍, ଗୁଗ୍ଲି, କ୍ୟାରମ୍ ବଲ୍, ଫ୍ଲିପର, ଟପ୍ ସ୍ପିନର ଓ ଲେଗ୍ଷ୍ଟମ୍ପ୍ ୟର୍କର। ୧ ଦଶନ୍ଧିରୁ ଅଧିକ ସମୟ ଧରି ବରୁଣ କ୍ରିକେଟ ଖେଳି ଆସୁଥିଲେ ହେଁ ଚଳିତବର୍ଷ ସେ ଏକମାତ୍ର ପ୍ରଥମଶ୍ରେଣୀ ମ୍ୟାଚ୍ ଖେଳିଥିଲେ। ହାଇଦରାବାଦ ବିପକ୍ଷରେ ଏହି ମ୍ୟାଚ୍େର ୧୦୫ ରନ୍ଦେଇ ବରୁଣ ମାତ୍ର ଗୋଟିଏ ୱିକେଟ ପାଇଥିଲେ। ତେବେ ପେସାଦାର ଟ୍ବେଣ୍ଟି୨୦ କ୍ରିକେଟେର ବରୁଣଙ୍କ ବହୁତ ଚାହିଦା। ୨୦୧୭-୧୮ରେ ତାମିଲନାଡ଼ୁରେ ଲିଗ୍ କ୍ରିକେଟ ଖେଳି ବରୁଣ ବେଶ୍ ସଫଳ ହୋଇଥିଲେ। ଏହାପରେ ତାଙ୍କୁ ତାମିଲନାଡ଼ୁ ପ୍ରିମିୟର ଲିଗ୍ (ଟିଏନ୍ପିଏଲ୍) ଖେଳିବାର ସୁଯୋଗ ମିଳିଥିଲା। ଏହା ତାଙ୍କ କ୍ରିକେଟ ଜୀବନକୁ ବଦଳାଇ ଦେଇଥିଲା। ସିଏଚେମ୍ ମଦୁରାଇ ପାନ୍ଥର୍ସ ପାଇଁ ଖେଳି ବରୁଣ ଚମତ୍କାର ପ୍ରଦର୍ଶନ କରିଥିଲେ। ତାଙ୍କ ବୋଲିଂ ବଳରେ ମଦୁରାଇ ଟିଏନ୍ପିଏଲ୍ ଚମ୍ପିଆନ୍ ହୋଇଥିଲା। ଗତବର୍ଷ ଆଇପିଏଲ୍ ବେଳେ କିଛିଦିନ ଚେନ୍ନଇ ସୁପର କିଙ୍ଗ୍ସ ଶିବିରେର ରହି ବୋଲିଂ କରିଥିଲେ। ପରେ ଦିନେଶ କାର୍ତ୍ତିକଙ୍କ ଡକରାରେ ବରୁଣ କଲକାତା ନାଇଟ ରାଇଡର୍ସ (କେକେଆର୍) ଶିବିରରେ ଯୋଗ ଦେଇଥିଲେ ଏବଂ କିଛିଦିନ ବୋଲିଂ କରିଥିଲେ। ତାମିଲନାଡ଼ୁ ପାଇଁ ବରୁଣ ୧୮ଟି ଲିଷ୍ଟ-ଏ (ଦିନିକିଆ) ମ୍ୟାଚ୍ ଖେଳି ୨୩ଟି ୱିକେଟ ନେଇଥିବା ବେଳେ ୧୩ଟି ଟ୍ବେଣ୍ଟି୨୦ ମ୍ୟାଚ୍ ଖେଳି ୧୦ଟି ୱିକେଟ ନେଇଥିଲେ। ଏବେ ବରୁଣ ଚକ୍ରବର୍ତ୍ତୀ ଆଇପିଏଲ୍ ଖେଳିବାର ସୁଯୋଗ ପାଇ ରାତାରାତି କୋଟିପତି ପାଲଟି ଯାଇଛନ୍ତି।
କୋଟିପତି ବରୁଣ ଚକ୍ରବର୍ତ୍ତୀ କିଏ?
Popular Categories
Previous article
Next article