ଆରଡି : ଅସହାୟ ବୃଦ୍ଧବୃଦ୍ଧାଙ୍କ ପାଇଁ ମଧୁବାବୁ ପେନସନ ଯୋଜନା ଭଳି ନାନା ଯୋଜନାରେ ବାର୍ଦ୍ଧ୍ୟକ ଭତା ମିଳିବା ପାଇଁ କେତେ କଣ ସରକାରଙ୍କ ପକ୍ଷରୁ ଯୋଜନା ପ୍ରଣୟନ କରାଯାଇଛି। ହେଲେ ତାହା ଲୋକ ପ୍ରତିନିଧିଙ୍କ ଆନ୍ତରିକତା ଅଭାବ ହେଉ କିମ୍ବା ପ୍ରଶାସନର ଅଣଦେଖା ହେଉ ଅସହାୟ ବୃଦ୍ଧବୃଦ୍ଧାଙ୍କ ନିକଟରେ ପହଞ୍ଚି ପାରୁନାହିଁ ଉକ୍ତ ଯୋଜନା। ଏପରିକି କିଏ ଭତା ଗଣ୍ଡାକ ପାଇବା ପାଇଁ ଦୈାଡି-ଦୈାଡି ଆର ପାରିକୁ ଗଲାଣିତ ଆଉକିଏ ଶଯ୍ୟାଶ୍ରାୟୀ ହେଲାଣି। ଏପରି ବାସ୍ତବ ଚିତ୍ର ଦେଖିବାକୁ ମିଳିଛି ଭଦ୍ରକ ଜିଲା ଚାନ୍ଦବାଲି ବ୍ଲକ ସୁନ୍ଦରପୁର ପଞ୍ଚାୟତରେ। ଏହି ପଞ୍ଚାୟତର ଗୀରିଧାରୀ ପଣ୍ଡା, ବାବାଜି ମହାଳିକଙ୍କୁ ୬୫ ଛୁଇଁଲାଣି ତାହାସହ ଏହି ୨ ଜଣ ବୃଦ୍ଧ ଭଲ ଭାବେ ଚାଲି ପାରୁନାହିନ୍ତି। ଭତା ଗଣ୍ଡାକ ପାଇଁ ପଞ୍ଚାୟତ କାର୍ଯ୍ୟଳୟରେ ଦୀର୍ଘ ୪/୫ମାସ ହେବ ଆବେଦନ କରିଥିଲେ ମଧ୍ୟ କାହାର ଯେପରି ଆନ୍ତରିକତା ନଥିବା ୨ ଜଣ ଅସହାୟ ବୃଦ୍ଧ ପ୍ରକାଶ କରିଛନ୍ତି। ସେହିପରି କମଳିନୀ ପଲାଇ, କନକଲତା ସାହୁ, ହେମଲତା ମହାଳିକ, ବାୟାଣୀ ମହାଳିକ, ଗେହ୍ଲାରାଣୀ ପଲାଇ, ରଘୁନାଥ ସାହୁ, ବିଶ୍ୱମ୍ବର ପଲାଇ ପ୍ରମୁଖ ବୃଦ୍ଧବୃଦ୍ଧା ଦୀର୍ଘ ୬ମାସ ହେବ ଭତା ପାଇବା ଆଶାରେ ଆବେଦନ କରିଥିଲେ ମଧ୍ୟ ଆଜି ପର୍ଯ୍ୟନ୍ତ ଚାହିଁ ବସିଛନ୍ତି। ଏହି ବୃଦ୍ଧବୃଦ୍ଧା ଆବେଦନ କରିବା ପରେ ସ୍ଥାନୀୟ ଲୋକପ୍ରତିନିଧିଙ୍କୁ ଭେଟୁଥିଲେ ମଧ୍ୟ କୈାଣସି ସୁଫଳ ମିଳି ପାରୁନଥିବା ସର୍ମ୍ପକୀୟ ପ୍ରକାଶ କରିଛନ୍ତି। ଏପରି ଘଟଣା ସର୍ମ୍ପକରେ ଚାନ୍ଦବାଲି ବିଡିଓଙ୍କୁ ପଚାରିବାର ସେ କୁହନ୍ତି, ଯେଉଁମାନେ ଭତା ପାଇଁ ଆବେଦନ କରିଛନ୍ତି ସେମାନଙ୍କ ଆବେଦନ ପତ୍ର ବ୍ଲକ କାର୍ଯ୍ୟାଳୟକୁ ଆସିନାହିଁ। ତାହାସହ ଉକ୍ତ ଘଟଣାର ତଦନ୍ତ କରାଯିବା ସହ ସ୍ଥାନୀୟ ସରପଞ୍ଚଙ୍କ ସହ ଆଲୋଚନା କରାଯିବ ବୋଲି ପ୍ରକାଶ କରିଥିଲେ।
Comments are closed.