ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ଥାନା ତଳଗାଁ ଗ୍ରାମର ଜନୈକ ବ୍ୟକ୍ତି ଦମ୍ମକୁଜ ଡ୍ୟାମକୁ ମାଛ ଧରିବାକୁ ଯାଇ ପାଣିରେ ବୁଡି ପ୍ରାଣ ହରାଇଥିବା ଜଣାପଡିଛି । ସୂଚନାନୁସାରେ ତଳଗାଁ ଗ୍ରାମର ମହଞି ବେହେରା ଦମ୍ମକୁଜ ଡ୍ୟାମକୁ ମାଛ ଧରିବାକୁ ଯାଇଥିଲେ। ତେବେ ଅସାବଧାନତା ହେତୁ ମହଞି ପାଣିରେ ବୁଡି ଯାଇଥିଲେ। ଘର ଲୋକଙ୍କ ସହ ଗ୍ରାମବାସୀ ବହୁ ଖୋଜାଖୋଜି ପରେ ମଧ୍ୟ ମହଞିଙ୍କୁ ପାଇ ନଥିଲେ। ଶେଷରେ ଚାରିଛଜ ଦମକଳକୁ ଖବର ଦେଇଥିଲେ। ଅଗ୍ନିଶମ ବାହିନୀ ଦୀର୍ଘ ୮ ଘଣ୍ଟା ପରିଶ୍ରମ ପରେ ଡ୍ୟାମ ଭିତରୁ ଶବ ମିଳିଥିଲା । ଏନେଇ ହରଭଙ୍ଗା ଥାନାରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ଶବ ବ୍ୟଛଦ ପାଇଁ ବୌଦ୍ଧ ପଠାଇ ଥିବା ଜଣାପଡିଛି।
Popular Categories
Previous article
Next article