ନୂଆଦିଲ୍ଲୀ : ପୁଣି ଭାରତୀୟ ସଡକକୁ ଫେରୁଛି ୟାମାହା ଆରଏକ୍ସ ୧୦୦ । ଦିନ ଥିଲା, ଏହି ବାଇକ ରାସ୍ତାରେ ରାଜା ଭଳି ଯାତ୍ରା କରୁଥିଲା । ପିଲାଠୁ ବୁଢା ସମସ୍ତଙ୍କ ପସନ୍ଦ ସାଜିଥିଲା ଆରଏକ୍ସ ୧୦୦ । କିନ୍ତୁ ପରେ ଭାରତରେ ଏହା ବନ୍ଦ ହୋଇଯାଇଥିଲା । ତେବେ ପୁଣି ଥରେ ଏହି ବାଇକ ଭାରତୀୟ ବଜାରକୁ ଫେରୁଛି । ୟାମାହା କମ୍ପାନୀ ପୁଣି ଏହି ବାଇକକୁ ନୂଆ ରୂପ ନୂଆ ରଙ୍ଗରେ ଆଣିବାକୁ ପ୍ରସ୍ତୁତ ହେଉଛି । ଆସନ୍ତୁ ଜାଣିବା ଏହାର ଫିଚର୍ ସମ୍ପର୍କରେ..
ୟାମାହା କମ୍ପାନୀ ନିଜ ପୁରୁଣା ଆରଏକ୍ସ ୧୦୦ରେ ୯୮ ସିସିର ଇଞ୍ଜିନ ଦେଇଥିଲା । ଏବେ କମ୍ପାନୀ ଏଥିରେ ୧୨୫ ସିସି କିମ୍ବା ୨୦୦ ସିସିର ଇଞ୍ଜିନ୍ ଦେଇପାରେ । ଏହି ବାଇକ୍ ସର୍ବାଧିକ ପାଓ୍ବର ଏବଂ ଟର୍କ ଉତ୍ପନ କରିବାରେ ସକ୍ଷମ ହେବ । ଏଥିରେ ୫ ସ୍ପିଡର ଗିୟରବକ୍ସ ମିଳିବ । ବାଇକରେ ୪୦-୪୫ ମାଇଲେଜ୍ ମିଳିପାରେ । ଡିଜିଟାଲ ଇନଷ୍ଟ୍ରୁମେଣ୍ଟ କନସୋଲ, ଡିଜିଟାଲ ଅଡୋମିଟର, ଟ୍ରିପ୍ ମିଟର, ଡୁଆଲ ଚ୍ୟାନେଲ ଏବିଏସ୍ ସିଷ୍ଟମ, ଡିସ୍କ ବ୍ରେକ୍, ୧୦ ଲିଟର ବିଶିଷ୍ଟ ଇନ୍ଧନ ଟ୍ୟାଙ୍କ ମିଳିବ । କମ୍ପାନୀ ଏହାର ଦାମ୍ ପ୍ରାୟ ୧ ଲକ୍ଷ ଟଙ୍କା ପାଖାପାଖି ରଖିଛି । ଏହି ବାଇକ ଭାରତୀୟ ବଜାରରେ ୨୦୨୫ରେ ଲଞ୍ଚ୍ ହେବ ।
ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ବୁଦ୍ଧଦେବ ଭଟ୍ଟାଚାର୍ଯ୍ୟଙ୍କ ପରଲୋକ
