ନୂଆଦିଲ୍ଲୀ : ଚୀନ ସ୍ମାର୍ଟଫୋନ କମ୍ପାନୀ ଜିଓମି ଗୁରୁାବର ଭାରତୀୟ ବଜାରରେ ତାର ନୂଆ ସ୍ମାର୍ଟଫୋନ ରେଡମି-୭ ଲଞ୍ଚ କରିଛି। ଯାହା ଗତବର୍ଷ ଲଞ୍ଚ କରାଯାଇଥିବା ରେଡମି-୬ର ଅପଗ୍ରେଡ ଭର୍ସନ। ରେଡମି-୭ ଜିଓମିର ଏକ ନୂଆ ବଜେଟ ଫୋନ ଯେଉଁଥିରେ ୧୯:୯ଆସପେକ୍ଟ ରେଶିୟୋ ଥିବା ଡିସପ୍ଲେ ସହିତ ଆଣ୍ଡ୍ରଏଡ ପାଇ ୯.୦ଆଧାରିତ ଏମଆଇୟୁଆଇ-୧୦ମିଳିବ। ତେବେ ଆସନ୍ତୁ ରେଡମି-୭ବିଷୟରେ ବିସ୍ତାର ରୂପେ ଜାଣିବା।
ରେଡମି-୭ର ବିଶେଷତ୍ୱ
ଏହି ଫେନରେ ଡୁଆଲ ନେନୋ ସିମ ସପୋର୍ଟ ସହିତ ଆଣ୍ଡ୍ରଏଡ ପାଇ୯.୦ ଆଧ।।ରିତ ଏମଆଇୟୁଆଇ ୧୦ରହିଛି। ଏହାବ୍ୟତୀତ ଫୋନରେ ୬.୨୬ଇଞ୍ଚର ଏଚଡି ପ୍ଲସ ଡିସପ୍ଲେ ରହିଛି। ଯାହାର ରିଜୋଲ୍ୟୁସନ ୭୨୦/୧୫୨୦ପିକ୍ସଲ। ଫୋନର ଡିସପ୍ଲେ ଉପରେ ଗରିଲା ଗ୍ଲାସ-୫ର ପ୍ରୋଟେକ୍ସନ ରହିଛି।
ରେଡମି-୭ରେ କ୍ୱାଲାକମର ସ୍ନାପଡ୍ରାଗନ ୬୩୨ପ୍ରୋସେସର ରହିଛି। ଯାହାର କ୍ଲକ ସ୍ପିଡ୧.୮ଜିଏଚଜେଡ ରହିଛି। ଏହି ଫୋନ ୨ଜିବି, ୩ଜିବି ଏବଂ ୪ଜିବି ରାମ ଏବଂ ୧୬,୩୨ ଏବଂ ୬୪ଜିବି ଷ୍ଟୋରେଜରେ ମିଳିବ। ଏହାକୁ ମେମୋରୀ କାର୍ଡ ସାହାଯ୍ୟରେ ୫୧୨ଜିବି ପର୍ଯ୍ୟନ୍ତ ବଢାଇପାରିବେ। ସଂଯୋଗ ପାଇଁ ଫୋନରେ ୪ଜି ଭୋଲଟିଇ, ୱାଇ-ଫାଇ୫.୦, ଜିପିଏସ୍, ୟୁଏସବି ଏବଂ ୩.୫ଏମ୍ଏମର ହେଡଫୋନ ଜ୍ୟାକ ରହିଛି। ଫୋନରେ ୪ହଜାର ଏମ୍ଏଚର ବ୍ୟାଟେରି ଦିଆଯାଇଛି।
ରେଡମି-୭ର କ୍ୟାମେରା
ଫୋନର କ୍ୟାମେରା ବିଷୟରେ କହିଲେ ଏଥିରେ ଡୁଆଲ ରିୟର କ୍ୟାମେରା ସେଟ୍ଅପ୍ ରହିଛି। ଯେଉଁଥିରୁ ଗୋଟିଏ କ୍ୟାମରୋ ୧୨ମେଗାପିକ୍ସେଲର ଏବଂ ଅନ୍ୟଟି ୨ମେଗାପିକ୍ସେଲର ରହିଛି। ସେହିଭଳି ଏହାର ଆଗପଟ କ୍ୟାମେରା ୮ମେଗାପିକ୍ସେଲର ଦିଆଯାଇଛି। କ୍ୟାମରୋ ସହିତ ଆର୍ଟିଫିସିଆଲ ଇଣ୍ଟେଲିଜେନ୍ସର ସପୋର୍ଟ ସହିତ ଅନେକ ପ୍ରକାର ପ୍ରିଲୋଡେଡ୍ ଫିଚର୍ସ ଦିଆଯାଇଛି। ଆଗପଟ କ୍ୟାମେରାରେ ଅନଲକ୍ ଦିଆଯାଇଛି।
ରେଡମି-୭ର ମୂଲ୍ୟ
ଫୋନର ମୂଲ୍ୟ ବିଷୟରେ କହିଲେ ଏହାର ୨ଜିବି ରାମ ଏବଂ ୧୬ଜିବି ଷ୍ଟୋରେଜର ମୂଲ୍ୟ ୭ହଜାର ୧୦୦ଟଙ୍କା। ସେହିଭଳି ଏହାର ୩ଜିବି ରାମ ଏବଂ ୩୨ଜିବି ଷ୍ଟୋରେଜର ମୂଲ୍ୟ ୮ହଜାର ୨୦୦ଟଙ୍କା। ଫୋନର ୪ଜିବି ରାମ୍ ଏବଂ ୬୪ଜିବି ଷ୍ଟୋରେଜର ମୂଲ୍ୟ ୧୦ହଜାର ୨୦୦ଟଙ୍କା।
Comments are closed.