ସୁରାଟ- ବାଃ … ବାଃ ସାଉଁଟି ଥିଲେ । ବିଭିନ୍ନ ଗଣମାଧ୍ୟମରେ ବାଇଟ୍ ମଧ୍ୟ ଦେଇଥିଲେ । ନିଜକୁ ଇସ୍ରୋର ବୈଜ୍ଞାନିକ ବୋଲି କହିଥିଲେ। ସେ ବିକ୍ରମ ଲ୍ୟାଣ୍ଡର ଡିଜାଇନ୍ ତିଆରି କରିଥିବା କଥା ଖୁଲମ ଖୁଲା କହିଥିଲେ । ମିଛି ଏପରି ବନେଇ ଚୁନେଇ କହିଥିଲେ କି ସମସ୍ତେ ବିଶ୍ୱାସ କରି ନେଇଥିଲେ । ହେଲେ ଅଧିକ ମିଛ କହିବାରୁ କିଛି ଲୋକଙ୍କର ସନ୍ଦେହ ହୋଇଥିଲା । ସେମାନେ ତାଙ୍କ ବିଷୟରେ ଅନୁସନ୍ଧାନ କରିବାରୁ ମିଛ ସାମ୍ନାକୁ ଆସିଥିଲା । ପରେ ପୁଲିସ ଏହି ଉଚ୍ଚଶିକ୍ଷିତ ବ୍ୟକ୍ତିଙ୍କୁ ଗିରଫ କରିଛି ।
#WATCH | Gujarat | On 29th August, the Surat Crime Branch of Police nabbed a man, identified as Mitul Trivedi, who made false claims of being a scientist at the ISRO and also made forged documents for the same. Police say that he has confessed to the crime. pic.twitter.com/zf5IkvVej8
— ANI (@ANI) August 30, 2023
ସୁରାଟର ମିତୁଲ ତ୍ରିବେଦୀ । ସେ ଦ୍ୱାଦଶ ଶ୍ରେଣୀ ଏବଂ ତଊର୍ଦ୍ଧ୍ୱ ପିଲାଙ୍କୁ ଟ୍ୟୁସନ୍ କରନ୍ତି । ତାଙ୍କ ଟ୍ୟୁସନ୍କୁ ଅଧିକ ପିଲା ଆସନ୍ତୁ ସେଥିପାଇଁ ଇସ୍ରୋର କିଛି କାଗଜପତ୍ର ମିଛରେ ତିଆରି କରିଥିଲେ । ଜାଲ କାଗଜପତ୍ରରେ ନିଜକୁ ସେ ବୈଜ୍ଞାନିକ ବୋଲି ଦର୍ଶାଇଥିଲେ । ବିକ୍ରମ ଲ୍ୟାଣ୍ଡରର ଡିଜାଇନ୍ ତିଆରି କରିଥିବା କଥା କହିଥିଲେ । ଇସ୍ରୋରେ ଚାକିରି ପାଇଥିବା କଥା ଜାଲ୍ କାଗଜପତ୍ରରେ କିଛି ଛାତ୍ରଛାତ୍ରିଙ୍କ ଅଭିଭାବକଙ୍କୁ ଦେଖାଇଥିଲେ ।
Also read-ବଢ଼ିଲା କଣ୍ଠଶିଳ୍ପୀ ସୌରିନ ଭଟ୍ଟଙ୍କ ଅଡ଼ୁଆ : ଆଗୁଆ ଜାମିନ ଆବେଦନକୁ ଖାରଜ କଲେ ହାଇକୋର୍ଟ
କ୍ରାଇମ୍ବ୍ରାଞ୍ଚକୁ ଅଭିଯୋଗ ଯାଇଥିଲା । କ୍ରାଇମ୍ବ୍ରାଞ୍ଚ ଏହାର ତଦନ୍ତ ଆରମ୍ଭ କରିଥିଲା । ତଦନ୍ତରୁ ସେ ମିଛ କହୁଥିବା ସ୍ପଷ୍ଟ ହୋଇଥିଲା । ଏହାପରେ ତାଙ୍କୁ ଗିରଫ କରାଯାଇଛି ।
