ବେଙ୍ଗାଲୁରୁ : କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡି.କେ. ଶିବକୁମାର କହିଛନ୍ତି ପଡ଼ୋଶୀ ରାଜ୍ୟ ତାମିଲନାଡୁକୁ କାବେରୀ ନଦୀରୁ ଯେତିକି ଜଳ ଛଡ଼ାଯାଉଛି, ରାଜ୍ୟ ତାହାର ପରିମାଣ ହ୍ରାସ କରିବ। ସେ କହିଛନ୍ତି ରାଜ୍ୟରେ ଜଳ ନିଅଣ୍ଟର ଯେଉଁ ପରିସ୍ଥିତି ସୃଷ୍ଟି ହୋଇଛି, ତାହା ସୁପ୍ରିମକୋର୍ଟଙ୍କୁ ଜଣାଇବାକୁ ପ୍ରୟାସ କରାଯିବ।
ତାମିଲନାଡୁକୁ ସେପ୍ଟେମ୍ବର ମାସ ପାଇଁ ୨୭. ୭୬ହଜାର ନିୟୁତ ଘନଫୁଟ ଜଳ ଛଡ଼ାଯିବା ପାଇଁ ରାଜ୍ୟ ସରକାର ସର୍ବୋଚ୍ଚ ନ୍ୟାୟାଳୟରେ ଆବେଦନ କରିଛନ୍ତି। କାବେରୀ ଜଳ ଟ୍ରିବ୍ୟୁନାଲ୍ ର ନିୟମ ଅନୁସାରେ ଏହି ଜଳ ଛଡ଼ାଯିବାକୁ ତାମିଲନାଡୁ ଚାହିଁଛି। ମଙ୍ଗଳବାର କାବେରୀ ଜଳ ପରିଚାଳନା କର୍ତ୍ତୃପକ୍ଷ ପରବର୍ତ୍ତୀ ୧୫ ଦିନ ପାଇଁ ୫ ହଜାର ଘନଫୁଟ ଜଳ ତାମିଲନାଡୁକୁ ଛାଡ଼ିବା ପାଇଁ ନିର୍ଦ୍ଦେଶ ଦେଇଥିଲା । କିନ୍ତୁ କର୍ଣ୍ଣାଟକ ଜଳର ନିଅଣ୍ଟ ବିଷୟ ଦର୍ଶାଇ ୩ ହଜାର ଘନଫୁଟ ଜଳ ଛାଡ଼ିବାକୁ ରାଜି
ହୋଇଛି ।
