ବିଶ୍ୱ ମଧୁମେହ ଦିବସ ଅବସରରେ ଭଦ୍ରକରେ ସଚେତନତା ଶୋଭାଯାତ୍ରା

ଭଦ୍ରକ: ଆଜି ହେଉଛି ବିଶ୍ୱ ମଧୁମେହ ଦିବସ। ଚଳିତବର୍ଷର ବାର୍ତ୍ତା ରହିଛି ନିଜ ପରିବାରକୁ ସୁରକ୍ଷିତ ରଖ। ଏହି ଦିବସ ଅବସରରେ ଭଦ୍ରକ ଜିଲ୍ଲା ଆରଡି ଛକରୁ ଏକ ସଚେତନତା ଶୋଭାଯାତ୍ରା ନଗର ପରିକ୍ରମା କରିଥିଲା। ଏଥିରେ ସ୍ଥାନୀୟ ବିଧାୟକଙ୍କ ସମେତ ବହୁ ସ୍ୱେଚ୍ଛାସେବୀ ସଂଗଠନର କର୍ମକର୍ତ୍ତା ଓ ସ୍ୱାସ୍ଥ୍ୟକର୍ମୀ ଯୋଗ ଦେଇ ମଧୁମେହ ରୋଗର ନିରାକରଣ ସମ୍ପର୍କରେ ଜନସାଧାରଣଙ୍କୁ ସଚେତନ କରାଇଥିଲେ। ସେହିପରି ସୁବର୍ଣ୍ଣପୁର ଜିଲ୍ଲା ଜାତୀୟ ସ୍ୱାସ୍ଥ୍ୟ ମିଶନ ଓ ଜିଲ୍ଲା ସ୍ୱାସ୍ଥ୍ୟସମିତି ବିଶ୍ୱ ମଧୁମେହ ଦିବସ ପାଳିତ ହୋଇଯାଇଛି। ଏହି ଜିଲ୍ଲାସ୍ତରୀୟ କାର୍ଯ୍ୟକ୍ରମରେ ଜିଲ୍ଲା ମୁଖ୍ୟ ଚିକିତ୍ସକ ଓ ଜନସ୍ୱାସ୍ଥ୍ୟ ଅଧିକାରୀ ଡକ୍ଟର ଦିଲ୍ଲୀପ ପଣ୍ଡା ମଧୁମେହ ରୋଗର ଲକ୍ଷଣ, ନିରାକରଣ ଓ ଚିକିତ୍ସା ଉପରେ ଆଲୋଚନା କରି ସଚେତନତା ହିଁ ଆମକୁ ମଧୁମେହରୁ ଅନେକାଂଶରେ ରକ୍ଷା କରିପାରିବ ବୋଲି ମତ ରଖିଛନ୍ତି। ଏହି ଅବସରରେ ସ୍ୱାସ୍ଥ୍ୟବିଭାଗ ପକ୍ଷରୁ ଏକ ମାଗଣା ଚିକିତ୍ସା ଶିବିର ସହ ଔଷଧ ବିତରଣ କରାଯାଇଛି।