ପାଟଣା : ୨୨୦ ନମ୍ବର ଜାତୀୟ ରାଜପଥ ରୁ ପାଟଣା ବଜାର କୁ ସଂଯୋଗ କରୁଥିବା ପାଟଣା – ଢେଙ୍କିକୋଟ ରାସ୍ତା ର ସିମୁଳି ନାଳ ସେତୁ ନିର୍ମାଣ କାର୍ୟ୍ୟ ବିଳମ୍ବ ଯୋଗୁଁ ଜନଅସନ୍ତୋଷ ବୃଦ୍ଧି ପାଉଥିବା ଦେଖାଯାଉଛି । ଏହି ସେତୁ ନିର୍ମାଣ ପାଇଁ ତୃଟିପୂର୍ଣ୍ଣ ଡାଇଭରସନ କାରଣରୁ ବାରମ୍ବାର ଏଠାରେ ଯାନବାହାନ ଦୁର୍ଘଟଣା ଗ୍ରସ୍ଥ ହେଉଛି । ବର୍ଷା ଦିନେ ଏହି ଡାଇଭରସନ ରେ ଗୋଟିଏ ଧାନ ବୋଝେଇ ଟ୍ରକ ଭାସି ଯାଇଥିବା ବେଳେ ଏହାର କିଛି ଦିନ ବ୍ୟବଧାନ ରେ ଦୁଇଟି କାର ମଧ୍ୟ ଏହି ନାଳକୁ ଖସି ପଡିଥିଲା । ଡାଇଭରସନ୍ ଟି ନିଚ୍ଚା,ବୁଲାଣି ଓ ଅଣ ଓସାରିଆ ରହିବା ସହ କ୍ରମାଗତ ବ୍ୟବଧାନ ରେ ଏହା ମରାମତି ହେଉ ନଥିବାରୁ ନିୟମିତ ବ୍ୟବଧାନରେ ଏଠାରେ ଛୋଟମୋଟ ଦୁର୍ଘଟଣା ଘଟୁଛି । ପୂର୍ତ୍ତବିଭାଗ ଦ୍ବାରା ୨୦୧୮ ଜୁନ ୧୦ ତାରିଖରେ ଏହା ତତ୍କାଳୀନ ମନ୍ତ୍ରୀ ତଥା ଘଷିପୁରା ବିଧାୟକ ବଦ୍ରିନାରାୟଣ ପାତ୍ର ଓ ତତ୍କାଳୀନ ପାଟଣା ବିଧାୟକ ହୃଷୀକେଶ ନାଏକ ଶିଳାନ୍ୟାସ ହୋଇଥିଲା । ଶିଳାନ୍ୟାସ ର ଦୁଇ ବର୍ଷ ରୁ ଅଧିକ ସମୟ ଅତିକ୍ରାନ୍ତ ହୋଇଥିଲେ ମଧ୍ୟ ଏହି ସେତୁ କାମ ଆଜି ପର୍ୟ୍ୟନ୍ତ ପୂର୍ଣ୍ଣାଙ୍ଗ ହୋଇ ପାରୁନଥିବାରୁ ଜନ ଅସନ୍ତୋଷ ବୃଦ୍ଧି ପାଉଛି ।
Comments are closed.