ବ୍ୟାୟାମ ପାଇଁ ଏବେ ଅନେକ ସାମଗ୍ରୀ ବ୍ୟବହାର କରାଯାଉଛି । ତା ମଧ୍ୟରୁ ଟ୍ରେଡ୍ ମିଲ୍ ଅନ୍ୟତମ । ଏହାର ଦାମ୍ ମଧ୍ୟ ବେଶ୍ ଅଧିକ । ଯେତେ ଫିଚର ଅଧିକା ଟ୍ରେଡ୍ ମିଲ୍ ଦାମ୍ ସେତେ ଅଧିକ ।
ହେଲେ ଜଣେ ବ୍ୟକ୍ତି ଏବେ ଶସ୍ତାରେ ଏକ ଟ୍ରେଡ୍ ମିଲ୍ ତିଆରି କରିଛନ୍ତି । ଏହାକୁ ଆମ ଦେଶରେ ତିଆରି କରାଯାଇଛି । ଦେଶୀ ଯୁଗାଡ୍ ନାଁରେ ଏହା ବେଶ୍ ଭାଇରାଲ୍ ହେଲାଣି । କାଠରେ ଏହି ଟ୍ରେଡ୍ ମିଲ୍କୁ ତିଆରି କରାଯାଇଛି ।
Wow! 👏👏 @TWorksHyd please connect & help him scale up https://t.co/FVgeHzsQx8
— KTR (@KTRTRS) March 18, 2022
ଏହାର ଭିଡିଓ ବିଭିନ୍ନ ସାମାଜିକ ଗଣମାଧ୍ୟମରେ ଭାଇରାଲ୍ ହୋଇଛି । ବ୍ୟକ୍ତି ଜଣଙ୍କ ବେଶ୍ ସୁନ୍ଦର ଭାବେ ଏହାକୁ ମନଧ୍ୟାନ ଦେଇ ତିଆରି କରିବା ସହ ଏହା ଉପରେ ଚାଲି ପାରୁଛନ୍ତି । ତେଲେଙ୍ଗାନାର ଜଣେ ମନ୍ତ୍ରୀ ମଧ୍ୟ ଏହାକୁ ନିଜ ଟ୍ୱିଟର ଆକାଉଣ୍ଟରେ ସେୟାର କରିବା ସହ ଏହାର ପ୍ରଶଂସା କରିଛନ୍ତି ।
ତେଲେଙ୍ଗାନାର ଏହି ବ୍ୟକ୍ତିଙ୍କୁ ସରକାରୀ ପ୍ରୋତ୍ସାହନ ଯେଗାଇ ଦେବା ପାଇଁ ସେ କହିଛନ୍ତି । ତାଙ୍କର ଏହି ଟ୍ରେଡ୍ ମିଲ୍ ସାମାଜିକ ଗଣମାଧ୍ୟମରେ ବେଶ୍ ପ୍ରଶଂସା ସାଉଁଟିଲାଣି ।
