ସମାଜ ବ୍ୟୁରୋ : ଲୋକସଭା ବିରୋଧୀ ଦଳ ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀ ପୁଣି ଥରେ ଭୋଟର ତାଲିକା ଜାଲିଆତି ଅଭିଯୋଗ କରିଛନ୍ତି। ସେ ଅଭିଯୋଗ କରିଛନ୍ତି ଯେ ଗତ ବର୍ଷ ହରିୟାଣା ବିଧାନସଭା ନିର୍ବାଚନରେ ପ୍ରତି ଆଠଟି ଭୋଟରରେ ଗୋଟିଏ ଭୋଟର ଜାଲିଆତି ଥିଲା । ଜଣେ ମହିଳାଙ୍କ ଫଟୋ ଦେଖାଇ ସେ ଦାବି କରିଛନ୍ତି ଯେ ସେ ହରିୟାଣାର ୧୦ଟି ପୋଲିଂ ବୁଥରେ ୨୨ଟି ଭୋଟ ଦେଇଥିଲେ। ଏହା ପରେ, ଭୋଟର ପରିଚୟପତ୍ର ତିଆରି ଏବଂ BLO ମାନଙ୍କର କାର୍ଯ୍ୟରେ ଏପରି ତ୍ରୁଟି କାହିଁକି ଘଟୁଛି ସେ ବିଷୟରେ ଆଲୋଚନା ହେଉଛି।
ଭୋଟର ପରିଚୟପତ୍ର ତିଆରି କରିବାରେ BLO ଙ୍କର ସବୁଠାରୁ ଗୁରୁତ୍ୱପୂର୍ଣ୍ଣ କାର୍ଯ୍ୟ ହେଉଛି ଯାଞ୍ଚକରଣ । BLO ନୂତନ ଭୋଟରଙ୍କୁ ଯାଞ୍ଚ କରି ସେମାନଙ୍କ ସୂଚନା ଅପଡେଟ୍ କରନ୍ତି ଏବଂ ଭୋଟର ତାଲିକାରୁ ନାମ ବାଦ ଦିଅନ୍ତି । BLO ମତଦାନ କେନ୍ଦ୍ର ଶିବିର ମାଧ୍ୟମରେ କିମ୍ବା ଘରକୁ ଘର ଯାଇ ସେମାନଙ୍କ ଅଞ୍ଚଳର ଭୋଟର ତାଲିକାକୁ ଅପଡେଟ୍ କରନ୍ତି । ଯାଞ୍ଚ ପ୍ରକ୍ରୀୟା ଶେଷ ହେବା ପରେ ଭୋଟର ପରିଚୟପତ୍ର ମଧ୍ୟ ବଣ୍ଟନ କରନ୍ତି । ଜିଲ୍ଲା ନିର୍ବାଚନ ଅଧିକାରୀଙ୍କ ଦ୍ୱାରା ଜଣେ ସରକାରୀ କର୍ମଚାରୀଙ୍କୁ ପ୍ରଥମେ BLO ଭାବରେ ନିଯୁକ୍ତ କରାଯାଏ । ତା’ପରେ BLOଙ୍କୁ ସେହି ଅଞ୍ଚଳ ପାଇଁ ଏକ ନିର୍ଦ୍ଦିଷ୍ଟ ସଂଖ୍ୟକ ଭୋଟର ତାଲିକାର ଦାୟୀତ୍ଵ ନ୍ୟସ୍ତ କରାଯାଏ । ତା’ପରେ BLO ସେହି ଅଞ୍ଚଳରୁ କେଉଁ ଭୋଟର ସ୍ଥାନାନ୍ତରିତ ହୋଇଛି, କିଏ ମୃତ୍ୟୁବରଣ କରିଛି କିମ୍ବା କିଏ ୧୮ ବର୍ଷ ବୟସରେ ପହଞ୍ଚିଛି ସେ ବିଷୟରେ ସୂଚନା ଅପଡେଟ୍ କରନ୍ତି । ଏହି କାର୍ଯ୍ୟ ଉଭୟ ଅନ୍ଲାଇନ୍ ଏବଂ ଅଫ୍ଲାଇନ୍ ପ୍ରକ୍ରୀୟାରେ କରାଯାଏ । ଯେତେବେଳେ କେହି ଅନଲାଇନ୍ରେ ପଞ୍ଜିକରଣ କିମ୍ବା ନାମ ପରିବର୍ତ୍ତନ ପାଇଁ ଆବେଦନ କରନ୍ତି BLO ତା’ପରେ ଆବେଦନର ସଠିକତା ଯାଞ୍ଚ କରନ୍ତି । ଭୋଟର ପରିଚୟପତ୍ର ଅପଡେଟ୍ କ୍ଷେତ୍ରରେ ମଧ୍ୟ, BLO ଏହାକୁ ଅନଲାଇନରେ ଅନୁମୋଦନ କରନ୍ତି । ଯଦି ଅଫଲାଇନରେ କେହି ଆବେଦନ କରନ୍ତି, ତେବେ BLO ଫର୍ମ-୬ ପୂରଣ କରି ଆବଶ୍ୟକୀୟ ଡକ୍ୟୁମେଣ୍ଟ ସହିତ ଜିଲ୍ଲା ନିର୍ବାଚନ କାର୍ଯ୍ୟାଳୟରେ ଦାଖଲ କରନ୍ତି । ନିର୍ବାଚନ ଅଧିକାରୀ ତା’ପରେ ପ୍ରକ୍ରିୟା ଆରମ୍ଭ କରନ୍ତି । BLOମାନେ ଏହି କାର୍ଯ୍ୟ ପାଇଁ ବାର୍ଷିକ ₹୬୦୦୦ ଟଙ୍କା ପାଆନ୍ତି । ତଥ୍ୟ ଅନୁସାରେ ଫଟୋ ତ୍ରୁଟି , ଯାନ୍ତ୍ରିକ ତ୍ରୁଟି କିମ୍ବା ଭୁଲ ଫଟୋ ଅପଲୋଡ୍ ହେବା ଯୋଗୁଁ ହୋଇଥାଏ । ଅନ୍ୟ ଏକ କାରଣ ହେଉଛି ଯେତେବେଳେ କେହି ଅନଲାଇନରେ ଭୋଟର ପରିଚୟପତ୍ର ପାଇଁ ଆବେଦନ କରନ୍ତି, ସେତେବେଳେ ସେମାନଙ୍କର ଭୋଟର ପରିଚୟପତ୍ର ଏକ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ସୃଷ୍ଟି ହେବା ଆବଶ୍ୟକ । BLOଙ୍କୁ ସେହି ସମୟସୀମା ମଧ୍ୟରେ ଏକ ରିପୋର୍ଟ ମଧ୍ୟ ଦାଖଲ କରିବାକୁ ପଡିବ । ଅନଲାଇନରେ ଆବେଦନ କରିବା ସମୟରେ, ରିପୋର୍ଟ କେନ୍ଦ୍ରୀୟ ସିଷ୍ଟମରୁ ରାଜ୍ୟକୁ ଏବଂ ତା’ପରେ ଜିଲ୍ଲାକୁ ପଠାଯାଏ। ତା’ପରେ BLO ଯାଞ୍ଚ ପାଇଁ ରିପୋର୍ଟ ପାଆନ୍ତି, ଯାହାକୁ ଯାଞ୍ଚ କରି ୩-୪ ଦିନ ମଧ୍ୟରେ ପଠାଇବାକୁ ପଡ଼େ । ତଥାପି, ଯଦି ଜଣେ BLO କୌଣସି ତଥ୍ୟ ନଦିଅନ୍ତି ନାହିଁ, ତେବେ ଏହା ସ୍ୱୟଂଯାଞ୍ଚ ମୋଡରେ ପ୍ରବେଶ କରେ ଏବଂ ଯାଞ୍ଚ କରାଯାଏ । ଏହି ସମୟରେ ମଧ୍ୟ, ଭୁଲ ଫଟୋ ଅପଲୋଡ୍ ହୋଇପାରେ।
ନିର୍ବାଚନ କମିଶନ Special Intensive Revision (SIR) ପ୍ରକ୍ରୀୟା ଦ୍ଵାରା ଏହାର ସମାଧାନ କରୁଛି । SIR ସମୟରେ, BLOମାନେ ପ୍ରଥମେ ପ୍ରତ୍ୟେକ ଭୋଟରଙ୍କ ଘରକୁ ଯାଇ ସ୍ୱତନ୍ତ୍ର ଗଣନା ଫର୍ମ ପ୍ରଦାନ କରିବେ । ଏହି ଫର୍ମରେ ଗୋଟିଏ ପରିବାରରେ ଥିବା ସମସ୍ତ ଭୋଟରଙ୍କ ବିବରଣୀ ରହିବ। ପରେ ୨୦୦୩ ତାଲିକାରେ ସେମାନଙ୍କର ନାମ ଯାଞ୍ଚ କରିବାକୁ ପଡିବ । ଯଦି ସେମାନଙ୍କ ପିତାମାତାଙ୍କ ନାମ ସଂପୃକ୍ତ ଅଞ୍ଚଳରେ ଅନ୍ତର୍ଭୁକ୍ତ ହୋଇଥିଲେ ସେମାନଙ୍କୁ କୌଣସି ଡକ୍ୟୁମେଣ୍ଟ ଦେବାକୁ ପଡିବ ନାହିଁ। BLO ଭୋଟରଙ୍କୁ ୨୦୦୩ ତାଲିକା ସହିତ ଲିଙ୍କ୍ କରିବା ପରେ ଡ୍ରାଫ୍ଟ ତାଲିକା ପ୍ରକାଶ କରାଯିବ । ଯଦି ସେହି ତାଲିକାରୁ ଯାହାର ନାମ ବାଦ ପଡ଼ିଥିବ ସେମାନଙ୍କୁ ପ୍ରମାଣପତ୍ର ଦେବାକୁ ପଡିବ।
