କୋଲକାତା: ପଶ୍ଚିମବଙ୍ଗର ବିଧାୟକମାନଙ୍କ ବିରୁଦ୍ଧରେ ବିଭିନ୍ନ ମାମଲାରେ ଅଭିଯୋଗ ଫର୍ଦ୍ଦ ଦାଖଲ କରିବା ପୂର୍ବରୁ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ବିଧାନସଭା ବାଚସ୍ପତିଙ୍କର ଅନୁମତି କାହିଁକି ନେଇନାହାନ୍ତି ତାହାର କାରଣ ଦର୍ଶାଇବାକୁ ବାଚସ୍ପତି ଉଭୟ ସିବିଆଇ ଏବଂ ଇଡି ଅଧିକାରୀମାନଙ୍କୁ କହିଛନ୍ତି। ଉଭୟ କେନ୍ଦ୍ରୀୟ ସଂସ୍ଥାର ଅଧିକାରୀ ତାଙ୍କ ନିକଟରେ ସେପ୍ଟେମ୍ବର ୨୨ ତାରିଖ ଦିନ ହାଜର ହେବାକୁ ବାଚସ୍ପତି ନିର୍ଦ୍ଦେଶ ଦେଇଛନ୍ତି। ବାଚସ୍ପତି ବିମାନ ବାନାର୍ଜୀ ସୋମବାର ଦିନ କହିଛନ୍ତି ଯେ ପଶ୍ଚିମବଙ୍ଗର ନିର୍ବାଚିତ ଲୋକ ପ୍ରତିନିଧିଙ୍କ ବିରୁଦ୍ଧରେ ଅଭିଯୋଗ ଫର୍ଦ୍ଦ ଦାଖଲ କରିବା ଏବଂ ଆଇନଗତ ପଦକ୍ଷେପ ଆରମ୍ଭ କରିବା ପୂର୍ବରୁ ତାଙ୍କୁ ଅବଗତ କରାଯାଇନାହିଁ କିମ୍ବା ଆଗୁଆ ତାଙ୍କର ଅନୁମୋଦନ ନିଆଯାଇନାହିଁ। ସୂଚନାଯୋଗ୍ୟ ଯେ ସିବିଆଇ ଏବଂ ଇଡି ପକ୍ଷରୁ ନିକଟରେ ତୃଣମୂଳ କଂଗ୍ରେସର ଏକାଧିକ ବିଧାୟକ, ମନ୍ତ୍ରୀଙ୍କ ବିରୁଦ୍ଧରେ ପୋଞ୍ଜି ଦୁର୍ନୀତି ଏବଂ ନାରଡା ଷ୍ଟିଙ୍ଗ ଅପରେସନ ମାମଲାରେ ଅଭିଯୋଗ ଫର୍ଦ୍ଦ ପ୍ରସ୍ତୁତ କରାଯିବା ସହିତ ସେମାନଙ୍କୁ ହାଜର ହେବାକୁ ଡକାଯାଇଛି। ତେବେ ପଶ୍ଚିମବଙ୍ଗ ବିଧାନସଭା ବାଚସ୍ପତିଙ୍କୁ ଏ ସମ୍ପର୍କରେ ଅବଗତ କରାଯାଇନଥିବାରୁ ବାଚସ୍ପତି କ୍ଷୁବ୍ଧ ହୋଇଛନ୍ତି। ଦୁଇ ସଂସ୍ଥାର ଅଧିକାରୀ ତାଙ୍କ ନିକଟରେ ହାଜର ହୋଇ କାରଣ ଦର୍ଶାଇବାକୁ ବାଚସ୍ପତି ନିର୍ଦ୍ଦେଶ ଦେଇଛନ୍ତି।
ଇଡି, ସିବିଆଇ ଅଧିକାରୀ ହାଜର ହେବାକୁ ପଶ୍ଚିମବଙ୍ଗ ବିଧାନସଭା ବାଚସ୍ପତିଙ୍କ ନିର୍ଦ୍ଦେଶ
Popular Categories
Previous article
Next article