ବାରାଣସୀର ଧାରାନଗର ଅଞ୍ଚଳରେ ଥିବା ମୃତ୍ୟୁଞ୍ଜୟ ମହାଦେବ ମନ୍ଦିର ପରିସରରେ ଥିବା କୂଅ ପାଣିକୁ ବ୍ୟବହାର କଲେ ଅନେକ ରୋଗ ଦୂର ହୋଇଥାଏ ବୋଲି ବିଶ୍ବାସ ରହିଛି। ଏହି ବିଶ୍ବାସକୁ ଆଧାର କରି ଦେଶବିଦେଶରୁ ବହୁ ବ୍ୟକ୍ତି ଏହି କୂଅରେ ଗାଧୋଇବାକୁ ଆସିଥାନ୍ତି। କୂଅ ପାଣିରେ ରୋଗ ଭଲ କରିବାର ଶକ୍ତି ଥିବା ଅନେକ ବ୍ୟକ୍ତି କହିଛନ୍ତି। ଏହି କୂଅ ପ୍ରତି ଧନନ୍ତ୍ବରୀଙ୍କ ଆଶୀର୍ବାଦ ରହିଥିବାରୁ ରୋଗ ଭଲ ହୋଇ ପାରୁଛି ବୋଲି ବିଶ୍ବାସ ରହିଛି। ଅନ୍ୟପକ୍ଷରେ ବିଭିନ୍ନ ଭୂତଳ ଜଳସ୍ରୋତର ପାଣି ଏହି କୂଅରେ ପଡୁଥିବାରୁ ସେଥିରେ ଔଷଧୀୟ ଗୁଣ ରହିଥିବା ଚର୍ଚ୍ଚା ହେଉଛି। ବାରାଣସୀ ବିଶ୍ବର ଅନ୍ୟତମ ପୁରୁଣା ସହର ହୋଇଥିବା ବେଳେ ଏଠାରେ ବହୁସଂଖ୍ୟକ ମନ୍ଦିର ରହିଛି। ପ୍ରତିବର୍ଷ ଲକ୍ଷାଧିକ ପର୍ଯ୍ୟଟକ ଏଠାକୁ ଆସିଥାନ୍ତି। ମୃତ୍ୟୁଞ୍ଜୟ ମନ୍ଦିରକୁ ଗମନାଗମନର ଉପଯୁକ୍ତ ସୁବିଧା ଥିବାରୁ ବାରାଣସୀ ବୁଲିବାକୁ ଆସିଥିବା ପର୍ଯ୍ୟଟକ ପ୍ରାୟତଃ ଏଠାକୁ ଆସିଥାନ୍ତି।
Comments are closed.